ഗൂഡല്ലൂര്‍: ഊട്ടിയില്‍ ദിവസം മുഴുവനും ഒരേ സ്ഥലത്ത് വാഹനം നിര്‍ത്തിയാല്‍ നടപടിയെടുക്കുമെന്ന് ഊട്ടി ഡിവൈ.എസ്.പി മണികണ്ഠന്‍ അറിയിച്ചു.
വ്യാപാരികള്‍ വ്യാപാര സ്ഥാപനങ്ങള്‍ക്ക് മുന്‍പില്‍ ദിവസം മുഴുവനും വാഹനം നിര്‍ത്തിയാല്‍ പിഴ ചുമത്തും. ഇത് പലപ്പോഴും ഗതാഗതകുരുക്കിന് ഇടയാക്കുന്നുണ്ട്.
ഗതാഗതകുരുക്കിന് പരിഹാരം കാണുകയാണ് ഇതുകൊണ്ട് ലക്ഷ്യമിടുന്നത്. സഞ്ചാര കേന്ദ്രമായ ഊട്ടിയിലേക്ക് ദിനംപ്രതി നൂറുക്കണക്കിന് സഞ്ചാരികളാണ് എത്തുന്നത്.
സഞ്ചാരികളുടെ വാഹനം പാര്‍ക്ക് ചെയ്യാന്‍ മതിയായ പാര്‍ക്കിങ് സൗകര്യം ഇല്ലാത്തതിനാല്‍ വലിയ പ്രയാസത്തിലാണ്.