ലാന്‍ഡിങ്ങിനിടെ വിമാനത്തിന്റെ എമര്‍ജന്‍സി വാതില്‍ തുറന്ന് യാത്രക്കാരന്‍

സോള്‍: വിമാനം ലാന്‍ഡ് ചെയ്യുന്നതിനിടെ എമര്‍ജന്‍സി വാതില്‍ തുറന്ന് യാത്രക്കാരന്‍. വെള്ളിയാഴ്ച ദക്ഷിണ കൊറിയന്‍ തലസ്ഥാനമായ സോളില്‍ എഷ്യാന എയര്‍ലൈന്‍സിന്റെ എയര്‍ബസ് എ 321 വിമാനത്തിലാണ് സംഭവം. വിമാനം പിന്നീട് സുരക്ഷിതമായി നിലത്തിറക്കുകയതായി സര്‍ക്കാര്‍ വൃത്തങ്ങള്‍ അറിയിച്ചു. വിമാനം സുരക്ഷിതമായി ലാന്‍ഡ് ചെയ്‌തെങ്കിലും നിരവധി പേരെ ആശുപത്രിയില്‍ പ്രവേശിപ്പിച്ചതായി റിപ്പോര്‍ട്ടുണ്ട്.

സോളില്‍ നിന്ന് ഏകദേശം 240 കിലോമീറ്റര്‍ (149 മൈല്‍) തെക്കുകിഴക്കായി ഡേഗു ഇന്റര്‍നാഷണല്‍ എയര്‍പോര്‍ട്ടില്‍ ലാന്‍ഡ് ചെയ്യാന്‍ തയാറെടുക്കുകയായിരുന്നു ഏഷ്യാന എയര്‍ലൈന്‍സ് വിമാനം. എയര്‍ബസ് എ 321200ല്‍ ഏകദേശം 200 യാത്രക്കാരാണ് ഉണ്ടായിരുന്നത്. വിമാനം ഭൂമിയില്‍ നിന്ന് 200 മീറ്റര്‍ (650 അടി) മാത്രം ഉയരത്തില്‍ ആയിരിക്കുമ്പോള്‍ എമര്‍ജന്‍സി എക്‌സിറ്റിന് സമീപം ഇരുന്ന ഒരു യാത്രക്കാരന്‍ ലിവര്‍ സ്പര്‍ശിച്ച് സ്വമേധയാ വാതില്‍ തുറക്കുകയായിരുന്നുവെന്ന് ദക്ഷിണ കൊറിയന്‍ എയര്‍ലൈന്‍സ് അധികൃതര്‍ പറയുന്നു.

സംഭവത്തില്‍ അന്വേഷണത്തിന് അധികൃതര്‍ ഉത്തരവിട്ടിട്ടുണ്ട്. എമര്‍ജന്‍സി വാതില്‍ എത്രനേരം തുറന്നിരുന്നു എന്നത് അടക്കമുള്ള വിശദാംശങ്ങള്‍ അന്വേഷിച്ചുകൊണ്ടിരിക്കുകയാണെന്ന് ഏഷ്യാന എയര്‍ലൈന്‍സ് അധികൃതര്‍ പറയുന്നു.

അപകടത്തിന്റെ ദൃശ്യങ്ങള്‍ സമൂഹമാധ്യമങ്ങളില്‍ വൈറലായി. ശക്തമായ കാറ്റില്‍ യാത്രക്കാര്‍ പിടിച്ചിരിക്കുന്നത് വീഡിയോ ദൃശ്യത്തില്‍ കാണാന്‍ സാധിക്കും.

? Un pasajero ha abierto una salida de emergencia del #A321 HL8256 de #AsianaAirlines en pleno vuelo.
El vuelo #OZ8124 entre Jeju y Daegu del 26 de mayo se encontraba en aproximación cuando una de las salidas de emergencia sobre el ala fue abierta por un pasajero.
El avión… pic.twitter.com/G0rlxPNQuW

— On The Wings of Aviation (@OnAviation) May 26, 2023