ആലപ്പുഴ:  പുറക്കാട് അന്ത്യവിശ്രമം കൊള്ളുന്ന അറബി സയ്യിദ് ഫളിലില്‍ മര്‍സൂഖി തങ്ങളുടെ ആണ്ട് നേര്‍ച്ച 26 മുതല്‍ സെപ്തമ്പര്‍ മൂന്ന് വരെ നടക്കും.
കൊടി ഉയര്‍ത്തല്‍, ഖബര്‍ സിയാറത്ത്, കൗണ്‍സിലിംഗ് ക്ലാസ്, മതപ്രഭാഷണം, സനദ് ദാനം, സ്വലാത്ത് ഹല്‍ഖ വാര്‍ഷികം, ദിഖ്‌റ് ഹല്‍ഖ വാര്‍ഷികം തുടങ്ങിയ പരിപാടികളോടെ സമുന്നദമായി ആചരിക്കും. 26 ന് ഉച്ചയ്ക്ക് രണ്ടിന് പ്രസിഡന്റ് ടി.എ താഹ പതാക ഉയര്‍ത്തും. തുടര്‍ന്ന് നടക്കുന്ന ഖബര്‍ സിയാറത്തിന് മഹല്ല് ഇമാം ഹാഫിള് ഹബീബുള്ള ബാഖവി നേതൃത്വം നല്‍കും. സമ്മേളനം അഡ്വ. എ നിസാമുദ്ദീന്‍ ഉദ്ഘാടനം ചെയ്യും. ഖലീല്‍ ഇബ്രാഹിം ഹുദവി കാസര്‍കോഡ് മുഖ്യപ്രഭാഷണം നടത്തും.
സക്കീര്‍ ഹുസൈന്‍ അസ്ഹരി, ഇ.പി അബൂബക്കര്‍ അല്‍ ഖാസിമി, ഹാഫിള് നിസാമുദ്ദീന്‍ അസ്ഹരി കുമ്മനം, അബൂ റബീഅ് സദക്കത്തുള്ള മൗലവി, നൗഷാദ് ബാഖവി ചിറയിന്‍കീഴ്, മുഹമ്മദ് ഷാഫി കായംകുളം തുടങ്ങിയവര്‍ പങ്കെടുക്കും. സമാപന ദിവസം സനദ് ദാനവും ഖത്തം ദുആയും കൂട്ട സിയാറത്തിനും സയ്യിദ് മുഹമ്മദ് ജിഫ്രി മുത്ത്‌കോയ തങ്ങള്‍ മലപ്പുറം നേതൃത്വം നല്‍കും.