ലോകമാകെ, പ്രത്യേകിച്ചും യൂറോപ്പില്‍ ഇലക്ട്രിക്ക് സൈക്കിളുകളുടെ വില്‍പനയില്‍ വലിയ കുതിപ്പുണ്ടാകുന്ന കാലമാണിത്. കാര്‍ബണിന്റെ പുറന്തളളല്‍ പരമാവധി കുറയ്ക്കുക, കാര്‍ബണ്‍ ഫൂട്ട് പ്രിന്റ് ഏറ്റവും ചെറിയ തോതില്‍ മാത്രം അവശേഷിപ്പിക്കുക തുടങ്ങിയ ശീലങ്ങളിലേക്കൊക്കെ മനുഷ്യന്‍ പതിയെ മാറുന്ന കാലത്ത്, യൂറോപ്യന്‍ പാര്‍ലമെന്റിലേക്കൊക്കെ സൈക്കിളുകളില്‍ എത്തുന്ന എം.പിമാരുടെ ചിത്രങ്ങള്‍ ഇപ്പോള്‍ സര്‍വ്വസാധാരണമാണ്. അതിനാല്‍ തന്നെ സൈക്കിളുകളുടെ വില്‍പന കുതിച്ചുയരുകയാണ്. നിത്യേനയുളള യാത്രാ ചെലവുകള്‍ കുറയ്ക്കുക എന്നതിനൊപ്പം ആരോഗ്യസംരക്ഷണത്തിനായും ഉപയോഗിക്കാവുന്ന വാഹനം എന്ന നിലയിലാണ് സൈക്കിളിന്റെ വില്‍പ്പന കുതിച്ചുയരുന്നത്.

ഇപ്പോള്‍ കാര്‍ വിപണിയിലെ ശക്തരായ ബ്രാന്‍ഡായ ടാറ്റ കുറഞ്ഞ വിലയില്‍ വാങ്ങാന്‍ കഴിയുന്ന തരത്തിലുള്ളൊരു ഇലക്ട്രിക്ക് സൈക്കിള്‍ പുറത്തിറക്കിയിരിക്കുകയാണ്. സ്‌ട്രൈഡര്‍ സീരീസില്‍ ഉള്‍പ്പെടുന്ന സീറ്റ പ്ലസ് എന്ന ഈ സൈക്കിളിന് 26,995 രൂപയാണ് വിലവരുന്നത്. എന്നാല്‍ ഈ വില ഒരു പ്രേത്യേക സമയത്തേക്ക് മാത്രമേ കാണുകയുളളുവെന്നും, പ്രസ്തുത സമയപരിധിക്ക് ശേഷം സീറ്റ പ്ലസ് വാങ്ങാനായി 6000 രൂപയോളം അധികം മുടക്കേണ്ടി വരുമെന്നും റിപ്പോര്‍ട്ടുകളുണ്ട്.

സൈക്കിള്‍ നിലവില്‍ ഓണ്‍ലൈന്‍ വഴി മാത്രമാണ് വില്‍ക്കുന്നത്. സ്‌ട്രൈഡറിന്റെ ഔദ്യോഗിക വെബ്‌സൈറ്റ് വഴിയാണ് സൈക്കിള്‍ ബുക്ക് ചെയ്യാന്‍ സാധിക്കുന്നത്.ഉയര്‍ന്ന ശേഷിയുള്ള 36-വോള്‍ട്ട്/6 Ah ബാറ്ററി പായ്ക്കാണ് ഇലക്ട്രിക് സൈക്കിളില്‍ സ്‌ട്രൈഡല്‍ ഉപയോഗിച്ചിരിക്കുന്നത്. ഇത് മൊത്തം 216 Wh ഊര്‍ജ്ജ ശേഷി നല്‍കുമെന്നാണ് കമ്പനി അവകാശപ്പെടുന്നത്. മണിക്കൂറില്‍ പരമാവധി 25 കിലോമീറ്റര്‍ വേഗതയില്‍ സഞ്ചരിക്കാന്‍ കഴിയുന്ന ഈ സൈക്കിള്‍

പെഡല്‍ അസിസ്റ്റിന്റെ സഹായത്തോടെ സീറോ-എമിഷന്‍ സൈക്കിളിന്റെ വേഗത 30 കിലോമീറ്റര്‍ വരെ ഉയര്‍ത്താനും കഴിയും. കൂടാതെ വെറും മൂന്നോ,നാലോ മണിക്കൂറുകള്‍ കൊണ്ട് ബാറ്ററി മൊത്തം ചാര്‍ജ് ചെയ്യാന്‍ സാധിക്കും.

Content Highlights:stryder zeeta plus ebike launched in india