മദ്യനയം: അമിനിയില്‍ ജനകീയ പ്രതിഷേധം

അമിനി: മദ്യനയത്തിനെതിരെ അമിനിയില്‍ ജനകീയ പ്രതിഷേധം. അമിനിയിലെ മുഴുവന്‍ ജനങ്ങളും ഒപ്പുവെച്ച നിവേദനം അമിനി ഖാസിയും സമസ്ത കേന്ദ്രമുശാവറ അംഗവുമായ സയ്യിദ് ഫത്ഹുല്ല മുത്തുക്കോയ തങ്ങള്‍ ഡെപ്യൂട്ടി കലക്ടര്‍ ഹിമാന്‍ഷു യാദവിന് കൈമാറി.

ലക്ഷദ്വീപ് എക്‌സൈസ് പോളിസി എന്ന പേരില്‍ ദ്വീപില്‍ മദ്യം സാര്‍വത്രികമാക്കാന്‍ വഴിയൊരുക്കുന്ന കരടുനയം നിയമമാക്കരുതെന്ന് ഫത്ഹുല്ല മുത്തുക്കോയ തങ്ങള്‍ ആവശ്യപ്പെട്ടു. സബ്കലക്ടറുടെ ഓഫിസിലേക്ക് പ്രകടനമായിട്ടാണ് പ്രതിഷേധക്കാര്‍ എത്തിയത്.