ദുബൈ: കേരള ബ്ലാസ്റ്റേഴ്‌സ് എഫ് .സി ഓഗസ്റ്റില്‍ യു.എ.ഇയിലെത്തുന്നു.
ഇന്ത്യന്‍ സൂപ്പര്‍ ലീഗിന്റെ (ഐ. എസ്. എല്‍) 2022-2023 സീസണിന് മുന്നോടിയായാണ് കേരള ബ്ലാസ്റ്റേഴ്‌സ് എഫ് .സി. യു. എ. ഇലേക്ക് വരുന്നത്. ഓഗസ്റ്റ് പകുതിയോടെ ടീം എത്തുമെന്നാണ് കരുതുന്നത്.യു.എ.ഇ. പ്രൊ ലീഗില്‍ കളിക്കുന്ന അല്‍ നാസര്‍ എസ്. സി, ദിബ എഫ്. സി എന്നീ ക്ലബ്ബുകള്‍ക്കെതിരേയും ഫസ്റ്റ് ഡിവിഷനിലെ ഹത്ത ക്ലബിനെതിരേയും സൗഹൃദ മത്സരങ്ങളില്‍ കളിക്കും. മുഖ്യ പരിശീലകന്‍ ഇവാന്‍ വുകോമാനോവിച്ചിന്റെ കീഴില്‍ അല്‍ നാസര്‍ കള്‍ച്ചറല്‍ ആന്‍ഡ് സ്‌പോര്‍ട്‌സ് ക്ലബ്ബിലായിരിക്കും ടീമിന്റെ പരിശീലനം.ഓഗസ്റ്റ് 20 ഞായറാഴ്ച ദുബൈയിലെ അല്‍മക്തൂം സ്റ്റേഡിയത്തില്‍ അല്‍നാസര്‍ എസ് സിക്കെതിരെയാണ് ബ്ലാസ്റ്റേഴ്‌സിന്റെ ആദ്യ പ്രീസീസണ്‍ സൗഹൃദ മത്സരം. 25ന് ദിബ്ബ അല്‍ ഫുജൈറ സ്റ്റേഡിയത്തില്‍ ദിബ്ബ എഫ്.സിയെയും 28ന് അവസാന മത്സരത്തില്‍ ഹംദാന്‍ ബിന്‍ റാഷിദ് സ്റ്റേഡിയത്തില്‍ ഹത്ത സ്‌പോര്‍ട്‌സ് ക്ലബിനെയും കേരള ബ്ലാസ്റ്റേഴ്‌സ് നേരിടും. മൂന്ന് മത്സരങ്ങള്‍ക്കും ടിക്കറ്റ് വഴിയായിരിക്കും കാണികള്‍ക്കുള്ള പ്രവേശനം.