തിരുവനന്തപുരം: കെ.കെ രമയ്‌ക്കെതിരേയുള്ള ആക്ഷേപത്തില്‍ വെടി നിര്‍ത്തല്‍ പ്രഖ്യാപിച്ചുവെങ്കിലും വീണ്ടും രമക്കെതിരേ വധ ഭീഷണിയുമായി ഊമക്കത്ത്. സി.പി.എമ്മിലെ പയ്യന്നൂര്‍ സഖാക്കളുടെ പേരിലാണ് ഭീഷണിക്കത്ത് വന്നിരിക്കുന്നത്.
ആര്‍.എം.പി നേതാവും വടകര എം.എല്‍.എയുമായ കെ.കെ രമയോട് അടങ്ങിയിരിക്കാനാണ് മുന്നറിയിപ്പ്. ഇല്ലെങ്കില്‍
മുഖ്യമന്ത്രിക്കെതിരെ പറഞ്ഞാല്‍ ഭരണം പോകുമെന്നൊന്നും നോക്കില്ലെന്നും 'തീരുമാനം' എടുത്തുകളയുമെന്നുമാണ് ഭീഷണിക്കത്തിലുള്ളത്. എം.എല്‍.എ ഹോസ്റ്റല്‍ അഡ്രസ്സിലേക്കാണ് ഭീഷണിക്കത്ത് വന്നത്. ഇതുസബന്ധിച്ച് ഡി.ജി.പിക്ക് രമ പരാതി നല്‍കിയിട്ടുണ്ട്.