തൃശൂര്‍: പൂങ്കുന്നത്ത് കണ്ടെയ്‌നര്‍ ലോറിക്ക് പിന്നില്‍ സ്വകാര്യ ബസിടിച്ച് ബസ് യാത്രികരായ ഒന്‍പത് പേര്‍ക്ക് പരുക്ക്. പാലക്കാട് സ്വദേശികളായ രാധാകൃഷ്ണന്‍, ഹരികൃഷ്ണന്‍, ബാലകൃഷ്ണന്‍, കൃഷ്ണദാസ്, പേരാമംഗലം സ്വദേശി നീതു, കോലഴി സ്വദേശി ശബരിവാസന്‍, അമലനഗര്‍ സ്വദേശി ഗോപാലന്‍, ആമ്പല്ലൂര്‍ സ്വദേശി ഹസന്‍, കൊല്‍ക്കത്ത സ്വദേശി ഇക്ബാല്‍ഖാന്‍ എന്നിവര്‍ക്കാണ് പരുക്കേറ്റത്.
വെസ്റ്റ് ഫോര്‍ട്ട് ഹൈടെക് ആശുപത്രിയ്ക്ക് മുന്നില്‍ ഇന്നലെ രാവിലെയായിരുന്നു അപകടം. വെസ്റ്റ്‌ഫോര്‍ട്ട് ആശുപത്രിയില്‍ ചികിത്സ തേടിയ എല്ലാവരും ആശുപത്രി വിട്ടു. ആരുടേയും പരുക്ക് ഗുരുതരമല്ല. തൃശൂര്‍ ഗുരുവായൂര്‍ റൂട്ടിലോടുന്ന എം.കെ.കെ ബസാണ് അപകടത്തില്‍പ്പെട്ടത്. മരുന്നുവിതരണ കമ്പനിയുടെ ലോറിയിലാണ് ബസ് ഇടിച്ചത്. ബസിന്റെ അമിത വേഗതയാണ് അപകടമുണ്ടാക്കിയതെന്ന് ട്രാഫിക് പൊലിസ് പറഞ്ഞു.