ട്രന്റ് ദേശീയ വിദ്യാഭ്യാസ സമ്മേളനത്തിന് തുടക്കമായി

കണ്ണൂര്‍: എസ്.കെ.എസ്.എസ്.എഫ് മുപ്പത്തിയഞ്ചാം വാര്‍ഷികത്തോടനുബന്ധിച്ച് വിദ്യാഭ്യാസ വിഭാഗമായ ട്രന്റ് കണ്ണൂരില്‍ സംഘടിപ്പിച്ച ദേശീയ വിദ്യാഭ്യാസ സമ്മേളനം ദി ടെലഗ്രാഫ് എഡിറ്റര്‍ ആര്‍.രാജഗോപാല്‍ ഉദ്ഘാടനം ചെയ്തു.
വിവിധ ജില്ലകളില്‍ നിന്നായി തെരഞ്ഞെടുക്കപ്പെട്ട വിദ്യാഭ്യാസ പ്രവര്‍ത്തകരും സംഘടനാ ഭാരവാഹികളുമാണ് സമ്മേളനത്തില്‍ പങ്കെടുത്തത്.

സംസ്ഥാന ഉപാധ്യക്ഷന്‍ സത്താര്‍ പന്തല്ലൂര്‍ അധ്യക്ഷത വഹിച്ചു. എം. വിജിന്‍ എം.എല്‍.എ മുഖ്യാതിഥിയായി.റഷീദ് ഫൈസി വെള്ളായിക്കോട്, ബഷീര്‍ അസ്അദി നമ്പ്രം , റഷീദ് കൊടിയൂറ, ശംസുദ്ദീന്‍ ഒഴുകൂര്‍, ശംസാദ് സലീം പൂവ്വത്താണി, ഡോ.എം അബ്ദുല്‍ ഖയ്യൂം സംസാരിച്ചു.
ആദ്യ സെഷനില്‍ ഡോ.ജി അമൃത് കുമാര്‍, ഡോ.ബഷീര്‍ പനങ്ങാങ്ങര,ഉമര്‍ അബ്ദുസലാം എന്നിവര്‍ സംസാരിച്ചു.

ചെയര്‍മാന്‍ ശാഫി മാസ്റ്റര്‍ ആട്ടീരി സ്വാഗതവും ഡോ.മജീദ് കൊടക്കാട് നന്ദിയും പറഞ്ഞു.