HOME
DETAILS

അഫ്ഗാനെ നയിക്കുന്ന പ്രധാനികള്‍

  
backup
September 08 2021 | 07:09 AM

world-who-are-the-men-leading-the-talibans-new-government

അഫ്ഗാനെ നയിക്കുന്ന പ്രധാനികള്‍
താലിബാന്‍ നയിക്കുന്ന അഫ്ഗാനില്‍ ഭരണചക്രം തിരിക്കുന്നവരില്‍ പ്രധാനികളെ പഖ്യാപിച്ചു.
റഹ്ബാരി ശൂറ തലവന്‍ മുഹമ്മദ് ഹസന്‍ അഖുന്‍ദാണ് പ്രധാനമന്ത്രി. താലിബാന്‍ സഹസ്ഥാപകനായ അബ്ദുല്‍ഗനി ബറാദറാണ് ഉപപ്രധാനമന്ത്രി.

കടുത്ത നിലപാടുകാരനായ സിറാജുദ്ദീന്‍ ഹഖാനിയാണ് ആഭ്യന്തരമന്ത്രി. താലിബാന്‍ സ്ഥാപകന്‍ മുല്ല ഉമറിന്റെ മകനും സൈനിക മേധാവിയുമായ മുല്ല മുഹമ്മദ് യഅ്ഖൂബിനാണ് പ്രതിരോധം.

മന്ത്രിമാരും വകുപ്പുകളും
മുഹമ്മദ് ഹസന്‍ അഖുന്‍ദ് (പ്രധാനമന്ത്രി)
താലിബാന്‍ സ്ഥാപകനും ആദ്യനേതാവുമായ മുല്ല ഉമറിന്റെ അടുത്ത അനുയായി ആയിരുന്നു മുഹമ്മദ് ഹസന്‍ അഖുന്‍ദ്. സുപ്രിം കൗണ്‍സില്‍ അംഗമായ അഖുന്‍ദ് 1996 മുതല്‍ 2001 വരെ നീണ്ടുനിന്ന ആദ്യ താലിബാന്‍ ഭരണകാലത്ത് ആദ്യം വിദേശകാര്യ മന്ത്രിയും പിന്നീട് ഉപപ്രധാനമന്ത്രിയുമായിരുന്നു. താലിബാന്റെ പ്രധാന കേന്ദ്രങ്ങളിലൊന്നായ കാണ്ഡഹാറില്‍ ഗവര്‍ണറായും പ്രവര്‍ത്തിച്ചിട്ടുണ്ട്.

അബ്ദുല്‍ഗനി ബറാദര്‍ (ഉപപ്രധാനമന്ത്രി)
കാണ്ഡഹാറില്‍ തന്നെ വളര്‍ന്നു വന്ന നേതാവാണ് അബ്ദുല്‍ഗനി. എല്ലാ അഫ്ഗാനികളേയും പോലെ സോവിയറ്റ് യൂനിയന്റെ അധിനിവേശം തന്നെയാണ് ഗനിയുടെ ജീവിതവും മാറ്റി മറിച്ചത്. മുല്ലാ ഉമറിനൊപ്പം ചേര്‍ന്നു പ്രവര്‍ത്തിക്കുക എന്നതു തന്നെയായിരുന്നു ഗനിയുടേയും നിലപാട്. 2010ല്‍ പാകിസ്താനില്‍ വെച്ച് അറസ്റ്റിലായി. പിന്നീട് 2018ല്‍ മോചിതനാവുകയും ഖത്തറിലേക്ക് നീങ്ങുകയും ചെയ്തു.

സിറാജുദ്ദീന്‍ ഹഖാനി (ആഭ്യന്തരം)
സോവിയറ്റ് അധിനിവേശത്തിനെതിരെ പോരാടിയ കമാന്‍ഡറുടെ മകനാണ് ഹഖാനി. താലിബാന്റെ ഉപനേതാവായ ഇദ്ദേഹം ഹഖാനി ഗ്രൂപ്പിന്റെ തലവനുമാണ്. അഫ്ഗനിലെ ഏറ്റവും അപകടകാരിയായ സായുധ സംഘമെന്നാണ് ഹഖാനി ഗ്രൂപ്പിനെ യു.എസ് വിശേഷിപ്പിക്കുന്നത്.

മുല്ല യാഖൂബ്(പ്രതിരോധം)
താലിബാന്‍ സ്ഥാപകന്‍ മുല്ല ഉമറിന്റെ മകന്‍. താലിബാന്റെ ശക്തമായ മിലിട്ടറി കമ്മീഷന്‍ തലവന്‍ കൂടിയാണ് മുല്ല യാഖൂബ്.

മൗലവി അമീര്‍ ഖാന്‍ മുത്തഖി (വിദേശകാര്യം)
പക്തിയ പ്രവിശ്യയില്‍ നിന്നുള്ള മുത്തഖി പക്ഷേ ഹംലാന്‍ദുകാരനെന്നാണ് സ്വയം വിശേഷിപ്പിക്കുന്നത്. ആദ്യതാലിബാന്‍ സര്‍ക്കാറില്‍ സാംസ്‌ക്കാരികവും വിവരാവകാശവും കൈകാര്യം ചെയ്തിട്ടുണ്ട്. യു.എസുമായുള്ള സമാധാന ചര്‍ച്ചകള്‍ക്ക് ചുക്കാന്‍ പിടിക്കാനായി ഇദ്ദേഹത്തേയും ഖത്തറിലേക്ക് അയച്ചിരുന്നു.

മുല്ല ഹിദായത്തുല്ലാ ബദ്‌രി (സാമ്പത്തികം)

ഖലീലുര്‍റഹ്മാന്‍ ഹഖാനി (റഫ്യൂജി)

ശൈഖ് മൗലവി നൂറുല്ലാഹ് മുനീര്‍ (വിദ്യാഭ്യാസം)

മൗലവി താജ് മിര്‍ ജവാദ് (ഡപ്യൂട്ടി ഇന്റലിജന്‍സ് ചീഫ്)

മുല്ല അബ്ദുല്‍ ഹഖ് വാസിഖ് (ഹെഡ് ഓഫ് എന്‍.ഡി.എസ്)



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."