ഖത്തർ: ഖത്തറിൽ നഗര ഗ​താ​ഗ​ത​ നി​യ​ന്ത്ര​ണം നടപ്പിലാക്കാൻ തീരുമാനിച്ച് ജനറൽ ഡയറക്ടറേറ്റ് ഓഫ് ട്രാഫിക്ക് അധികൃതർ. തിരക്കേറിയ സമയങ്ങളിൽ ട്രക്കുകൾക്കും 25ൽ കൂടുതൽ യാത്രക്കാരുള്ള ബസുകൾക്കും ആണ് നിരോധനം ഏർപ്പെടുത്തിയിരിക്കുന്നത്. നഗരത്തിൽ തിരക്കേറിയ സമയത്ത് വലിയ ഗതാഗത കുരുക്കാണ് ഉണ്ടാകുന്നത്. ഈ സമയങ്ങളിൽ ആണ് നിയന്ത്രണം ഏർപ്പെടുത്തിയിരിക്കുന്നത്. ജനറൽ ഡയറക്ടറേറ്റ് ഓഫ് ട്രാഫിക്കാണ് സമൂഹമാധ്യമ പേജുകളിലൂടെ യാത്രാനിയന്ത്രണം സംബന്ധിച്ച് അറിയിപ്പ് നൽകിയത്.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക https://chat.whatsapp.com/BRPMYfzNHhY2483Sqrze5o

ഏതാണ് തിരക്കേറിയ സമയം എന്ന് വ്യക്തമായി പറഞ്ഞിട്ടില്ല. എന്നാൽ അടിയന്തര ഘട്ടങ്ങളിൽ പ്രത്യേക അനുമതിയോടെ ഇത്തരം വാഹനങ്ങൾ പോകാനും സാധിക്കും. ഈ സമയങ്ങളിൽ നഗരത്തിൽ യാത്രചെയ്യാനും സൗകര്യമുണ്ടായിരിക്കും. യാത്രാനിയന്ത്രണം എത്രകാലം വരെ ഉണ്ടായിരിക്കും എന്ന കാര്യം വ്യക്തമല്ല. ഏതെല്ലാം ഭാഗത്താണ് നഗരത്തിൽ തിരക്കുള്ളത് എന്നത് സംബന്ധിച്ച മാപ്പും പുറത്തുവിട്ടിട്ടുണ്ട്. എക്സ് പ്ലാറ്റ്ഫോം വഴിയാണ് ചിത്രങ്ങൾ പുറത്തുവിട്ടിരിക്കുന്നത്. നിർദേശം ലംഘിക്കുന്നവരിൽ നിന്ന് പിഴ ഈടാക്കും. 500 റിയാൽ വരെയായിരിക്കും പിഴ ഈടാക്കുന്നത്.

അടിയന്തര യാത്രക്കായി ആവശ്യമുള്ള സമയങ്ങളിൽ ഈ സമയക്രമം പാലിക്കാതെ യാത്ര ചെയ്യാം. നിരോധിത സമയങ്ങളിൽ നഗരത്തിലേക്ക് പ്രവേശിക്കേണ്ട വാഹനങ്ങൾക്ക് സ്പെഷൽ പെർമിറ്റ് എടുക്കാം. മെട്രാഷ് രണ്ട് ആപ്ലിക്കേഷൻ വഴി പെർമിറ്റിന് അപേക്ഷിക്കാൻ സാധിക്കും. എങ്ങനെയാണ് അപേക്ഷ സമർപ്പിക്കേണ്ടത് എന്നത് സംബന്ധിച്ചുള്ള വിവരങ്ങൾ അധികൃതർ പങ്കുവെച്ചിട്ടുണ്ട്. മെട്രാഷിലെ ട്രാഫിക് സെക്ഷനിൽ പ്രവേശിച്ച്, വെഹിക്ൾസ് തെരഞ്ഞെടുത്ത് ട്രക് പെർമിറ്റിനായി അപേക്ഷിക്കാം. അപേക്ഷ സമർപ്പിക്കേണ്ടത് പ്രോജക്ട് മാനേജ്മെന്റ്, സർക്കാർ ബോഡിയിൽനിന്നുള്ള വർക് കോൺട്രാക്സ്, കമ്പനി രജിസ്ട്രേഷൻ കോപ്പി, വാഹന രജിസ്ട്രേഷൻ കോപ്പി എന്നിവ സഹിതമാണ് അപേക്ഷിക്കേണ്ടത്.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക https://chat.whatsapp.com/BRPMYfzNHhY2483Sqrze5o

Content Highlights : Urban Traffic Control in Qatar; Ban on trucks and buses