കോഴിക്കോട്: മുസ്‌ലിം യൂത്ത് ലീഗ് സംസ്ഥാന കമ്മിറ്റി പ്രവര്‍ത്തന ഫണ്ട് ശേഖരണാര്‍ഥം നടത്തിയ ദോത്തി ചലഞ്ചില്‍ പങ്കാളികയാവര്‍ക്ക് ഗിഫ്റ്റായി നല്‍കുന്ന ദോത്തിയുടെ സംസ്ഥാനതല വിതരണോദ്ഘാടനം സംസ്ഥാന പ്രസിഡണ്ട് സയ്യിദ് മുനവ്വറലി ശിഹാബ് തങ്ങള്‍ പ്രശസ്ത സാഹിത്യകാരന്‍ എം.ടി വാസുദേവന്‍ നായര്‍ക്ക് നല്‍കി നിര്‍വ്വഹിച്ചു. ജനറല്‍ സെക്രട്ടറി പി.കെ ഫിറോസ്, ട്രഷറര്‍ പി.ഇസ്മായില്‍ വയനാട്, വൈസ് പ്രസിഡന്റുമാരായ ഫൈസല്‍ ബാഫഖി തങ്ങള്‍, അഷ്‌റഫ് എടനീര്‍, സെക്രട്ടറിമാരായ സി.കെ മുഹമ്മദലി, ടി.പി.എം ജിഷാന്‍ എന്നിവര്‍ സന്നിഹിതരായി.

സംസ്ഥാന കമ്മിറ്റിയുടെ ഫണ്ട് ശേഖരണാര്‍ത്ഥം ഒക്ടോബര്‍ 10മുതല്‍ 30 വരെയായിരുന്നു ദോത്തി ചലഞ്ച് നടത്തിയിരുന്നത്. ദോത്തി ചലഞ്ചില്‍ പങ്കാളികളായവര്‍ക്ക് സംസ്ഥാന കമ്മിറ്റി നല്‍കുന്ന ഗിഫ്റ്റായ ദോത്തി ഡിസംബര്‍, ജനുവരി മാസങ്ങളിലായി പ്രവര്‍ത്തകര്‍ എത്തിച്ചു കൊടുക്കും.

ഡിസംബര്‍ 25മുതല്‍ 30വരെ മലപ്പുറം ജില്ലയിലും, 31മുതല്‍ ജനുവരി 5വരെ കാസര്‍ഗോഡ്, കണ്ണൂര്‍ ജില്ലകളിലും, 7മുതല്‍ 10വരെ കോഴിക്കോട് ജില്ലയിലും, 13ന് പാലക്കാട്, വയനാട് ജില്ലകളിലും, 15മുതല്‍ മറ്റ് ജില്ലകളിലും വിതരണം പൂര്‍ത്തിയാക്കും. ദോത്തി ചലഞ്ച് വിജയിപ്പിച്ചത് പോലെ ദോത്തി വിതരണവും സമയബന്ധിതമായും കുറ്റമറ്റ രീതിയിലും നടത്താന്‍ നേതാക്കള്‍ ആഹ്വാനം ചെയ്തു.