മാവൂര്‍:  ചാത്തമംഗലത്ത് വെള്ളലശേരി മുണ്ടയ്ക്ക്ല്‍ ഡെയ്‌സിയുടെ വീട്ടില്‍ ഗ്യാസ് സിലിണ്ടര്‍ പൊട്ടിത്തെറിച്ചുണ്ടായ തീ പടര്‍ന്ന് ഗൃഹോപകരണങ്ങള്‍ കത്തി നശിച്ചു. ഫ്രിഡ്ജ്, ഡൈനിങ് ടേബിള്‍, ടെലിവിഷന്‍ തുടങ്ങിയ ഗൃഹോപകരണങ്ങളാണ് കത്തിനശിച്ചത്.

അടുത്തുള്ള തെങ്ങിനും തീപിടിച്ചു. മകളുടെ വിദ്യാഭ്യാസ ആവശ്യത്തിനായി വച്ചിരുന്ന രൂപയും കത്തിനിശിച്ചു. സംഭവത്തില്‍ വീട്ടുകാര്‍ പുറത്തേക്ക് ഓടിയാണ് രക്ഷപ്പെട്ടത്. മുക്കത്ത് നിന്ന് അസിസ്റ്റന്റ് സ്റ്റേഷന്‍ ഓഫിസര്‍ പി.കെ ഭരതന്റെ നേതൃത്വത്തില്‍ അഗ്നിരക്ഷാസേനാംഗങ്ങള്‍ സംഭവസ്ഥലത്ത് എത്തിയതിനുശേഷമാണ് തീ പൂര്‍ണമായും അണച്ചത്.