കേരള സര്വ്വകലാശാല സെനറ്റ് ലിസ്റ്റ് ഗവര്ണര് വെട്ടിത്തിരുത്തിയെന്ന് ആരോപണം; ബിജെപി ബന്ധമുള്ളവരെ ചേര്ത്തു
തിരുവനന്തപുരം: കേരള സര്വ്വകലാശാല സെനറ്റിലേക്ക് ഗവര്ണ്ണര് ബി.ജെ.പി ബന്ധമുള്ളവരെ നോമിനികളായി ഉള്പ്പെടുത്തിയതായി പരാതി.
സെനറ്റിലെ 17 പേരില് സര്വകലാശാല നിര്ദ്ദേശിച്ച പട്ടിക തിരുത്തിയാണ് ഗവര്ണര് ആരിഫ് മുഹമ്മദ് ഖാന് തനിക്ക് താത്പര്യമുള്ളവരെ ഉള്പ്പെടുത്തിയത്. സര്വകലാശാല സെനറ്റില് 17 പേരില് എബിവിപി, ബിജെപി അനുകൂലികളെയും ബിജെപി അനുകൂല അധ്യാപക സംഘടനാ നേതാക്കളെയും ഉള്പ്പെടുത്തി. ജന്മഭൂമി സ്പെഷ്യല് കറസ്പോണ്ടന്റും ഗവര്ണറുടെ നോമിനിയായി സെനറ്റില് ഉണ്ട്. സര്വ്വകലാശാല നിര്ദ്ദേശിച്ച പേരുകള് വെട്ടിയാണ് ഗവര്ണര് പുതിയ പേരുകള് ചേര്ത്തത്.
കോഴിക്കോട് സര്വകലാശാല സെനറ്റിലേക്കുള്ള ഗവര്ണ്ണറുടെ നോമിനേഷന് പട്ടികയില് ബിജെപി ബന്ധമുള്ളവരെ ഉള്പ്പെടുത്തിയത് വിവാദമായിരുന്നു. അതിന് പിന്നാലെയാണ് കേരള സര്വകലാശാലയിലും ബിജെപി നോമിനേഷന്. 17 പുതിയ അംഗങ്ങളില് വിദ്യാര്ത്ഥി പ്രതിനിധികളായി ഗവര്ണ്ണര് നോമിനേറ്റ് ചെയ്തതത് അധികവും എബിവിപി പ്രവര്ത്തകരും നേതാക്കളുമാണ്. അധ്യാപക പ്രതിനിധികള് ബിജെപി അധ്യാപക സംഘടനയായ എന്ടിയുവിന്റെ സംസ്ഥാന പ്രസിഡണ്ട് അടക്കമുള്ള നേതാക്കള്. ഒപ്പം ബിജെപി അനുകൂല കോളേജ് അധ്യാപക സംഘടന ഉവാസ് ഭാരവാഹികളുമുണ്ട്.കേരള സര്വ്വകലാശാല പല പ്രമുഖരുടെയും പേരുകള് ഉള്പ്പെടുത്തി നല്കിയ പട്ടികയില് നിന്നും ഒരാളെ പോലും രാജ്ഭവന് പരിഗണിച്ചില്ല. സെനറ്റില് പ്രതിപക്ഷത്തെ അംഗങ്ങളുടെ എണ്ണം ഇതോടെ 32 ആയി ഉയരും.
Content Highlights:governor nominate bjp supporters in kerala university senate list
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."