ഇന്ത്യന്‍ മാരിടൈം സര്‍വകലാശാല കാമ്പസുകളിലും അഫിലിയേറ്റഡ് സ്ഥാപനങ്ങളിലും മറ്റും 2024-25 വര്‍ഷം നടത്തുന്ന വിവിധ പ്രോഗ്രാമുകളിലേക്കുള്ള പൊതുപ്രവേശന പരീക്ഷ (IMU-CET) ജൂണ്‍ എട്ടിന് ദേശീയ തലത്തില്‍ നടത്തും. 

കേരളത്തില്‍ കോഴിക്കോട്, കണ്ണൂര്‍, കൊച്ചി, കോട്ടയം, തൃശ്ശൂര്‍, തിരുവനന്തപുരം, കൊല്ലം, പാലക്കാട് പ്രവേശന പരീക്ഷ കേന്ദ്രങ്ങളുണ്ട്. 

വിശദവിവരങ്ങള്‍ www.imu.edu.in ല്‍ ചെന്നൈ, കൊച്ചി, കൊല്‍ക്കത്ത, മുംബൈ പോര്‍ട്ട്, നവി മുംബൈ, വിശാഖപട്ടണം എന്നിവിടങ്ങളിലായി ആറ് കാമ്പസുകളാണ് മാരിടൈം വാഴ്‌സിറ്റിക്കുള്ളത്. കോഴ്‌സുകള്‍ ചുവടെ, 

ബി.ടെക്- നാലുവര്‍ഷം, ശാഖകള്‍- മറൈന്‍ എഞ്ചിനീയറിങ്, നേവല്‍ ആര്‍കിടെക്ച്ചര്‍ ആന്‍ഡ് ഒാഷ്യന്‍ എഞ്ചിനീയറിങ്; ബി.എസ്.സി നോട്ടിക്കല്‍ സയന്‍സ്, ബി.ബി.എ- മാരിടൈം ലോജിസ്റ്റിക്‌സ്, ബി.ബി.എ- ലോജിസ്റ്റിക്‌സ്, റീട്ടെയിലിങ് ആന്‍ഡ് ഇ- കൊമേഴ്‌സ്; ബി.എസ്.സി- ഷിപ്പ് ബില്‍ഡിങ് ആന്‍ഡ് റിപ്പയര്‍ (മൂന്ന് വര്‍ഷം). എം.ബി.എ, രണ്ടുവര്‍ഷം- ഇന്റര്‍നാഷണല്‍ ട്രാന്‍സ്‌പോര്‍ട്ടേഷന്‍ ആന്‍ഡ് ലോജിസ്റ്റിക്‌സ് മാനേജ്‌മെന്റ്; പോര്‍ട്ട് ആന്‍ഡ് ഷിപ്പിങ് മാനേജ്‌മെന്റ്; എം.ടെക്, രണ്ട് വര്‍ഷം- മറൈന്‍ ടെക്‌നോളജി, നേവല്‍ ആര്‍കിടെച്ചര്‍ ആന്‍ഡ് ഓഷ്യന്‍ എഞ്ചിനീയറിങ്, ഡ്രെഡ്ജിങ് ആന്‍ഡ് ഹാര്‍ബര്‍ എഞ്ചിനീയറിങ്. 

ബി.ബി.എ ഒഴികെ എല്ലാ കോഴ്‌സുകള്‍ക്കും ഓണ്‍ലൈനായി മേയ് 5 വരെ രജിസ്റ്റര്‍ ചെയ്യാം. ഇതിനുള്ള നിര്‍ദേശങ്ങള്‍ വെബ്‌സൈറ്റിലുണ്ട്. കോഴ്‌സുകള്‍ ആഗസ്റ്റില്‍ ആരംഭിക്കും. 

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക