പാലക്കാട്: ഗവ. വിക്‌ടോറിയ കോളജില്‍ ഒന്നാം വര്‍ഷ എം.എസ്.സി. ഫിസിക്‌സ്, കെമിസ്ട്രി, സ്റ്റാറ്റിസ്റ്റിക്‌സ്, മാത്തമാറ്റിക്‌സ്, എം.എ. ഹിസ്റ്ററി, എം.കോം. എന്നീ കോഴ്‌സുകളില്‍ തമിഴ് 'ഭാഷാ ന്യൂനപക്ഷ വിഭാഗങ്ങള്‍ക്കായി സംവരണം ചെയ്തിട്ടുളള സീറ്റുകളില്‍ സര്‍ട്ടിഫിക്കറ്റ് സൂക്ഷ്മ പരിശോധനക്ക് ക്ഷണിച്ചു.
ഓണ്‍ലൈന്‍ അപേക്ഷ സമര്‍പ്പിച്ചിട്ടുളള വിദ്യാര്‍ഥികള്‍ ഓഗസ്റ്റ് 29 ന് രാവിലെ 10 ന് ഓണ്‍ലൈന്‍ അപേക്ഷയുടെ പകര്‍പ്പും, യോഗ്യതാ സര്‍ട്ടിഫിക്കറ്റുകളും, പ്രസ്തുത വിഭാഗത്തില്‍ ഉള്‍പ്പെട്ടതാണെന്ന് തെളിയിക്കുന്നതിന് എം.പി, എം.എല്‍.എ, പഞ്ചായത്ത് പ്രസിഡന്റ് എന്നിവരില്‍ ആരെങ്കിലും ഒരാള്‍ നല്‍കിയിട്ടുളള സര്‍ട്ടിഫിക്കറ്റുമായി സൂക്ഷ്മ പരിശോധനയ്ക്ക് അതത് വകുപ്പുകളില്‍ ഹാജരാകണമെന്ന് പ്രിന്‍സിപ്പല്‍ അറിയിച്ചു.