ചെറുപുഴ (കണ്ണൂര്‍ ): പെരിങ്ങോം പൊലിസ് സ്റ്റേഷന്‍ പരിധിയിലെ പാടിയോട്ടുചാല്‍ ഉമ്മിണിയാണത്ത് അമ്മയേയും മകനേയും വീടിനുള്ളില്‍ മരിച്ച നിലയില്‍ കണ്ടെത്തി. പാടിയോട്ടുചാല്‍
ഉമ്മിണിയാണത്തെ പടിഞ്ഞാറേപ്പുരയില്‍ ഭാസ്‌കരന്റെ ഭാര്യ ചന്ദ്രമതി (55), മകന്‍ പ്രത്യുഷ് (24) എന്നിവരാണ് മരിച്ചത്.

ചന്ദ്രമതിയെ കട്ടിലില്‍ മരിച്ചു കിടക്കുന്ന നിലയിലും പ്രത്യുഷിനെ മുറിക്കുള്ളില്‍ തൂങ്ങി മരിച്ച നിലയിലുമാണ് കാണപ്പെട്ടത്. രാവിലെ 6.20 ഓടെയാണ് സംഭവം.

ചന്ദ്രമതി കിടപ്പ് രോഗിയാണ്. അമ്മ മരിച്ച വിഷമത്തില്‍ പ്രത്യുഷ് ആത്മഹത്യ ചെയ്തതാകാമെന്നാണ് പൊലിസ് നിഗമനം. മൃതദേഹങ്ങള്‍ പരിയാരം മെഡിക്കല്‍ കോളജിലേയ്ക്ക് മാറ്റി.