ക്രിസ്തുമസ് ആഘോഷത്തിനിടെ മൂന്ന് പേർക്ക് കുത്തേറ്റു; മൂന്ന് പേർ പിടിയിൽ

തിരുവനന്തപുരം: ക്രിസ്തുമസ് ആഘോഷത്തിനിടെ നടന്ന സംഘർഷത്തിൽ മൂന്ന് പേർക്ക് കുത്തേറ്റു. പ​ര​ശു​വ​യ്ക്ക​ല്‍ കു​ണ്ടു​വി​ള​യിലാണ് വി​ജി​ന്‍, അ​ഖി​ല്‍, മനു എന്നിവർക്കാണ് കുത്തേറ്റത്. ഒരാളുടെ നില ഗുരുതരമാണ്. സം​ഭ​വ​ത്തി​ല്‍ മൂ​ന്നു​പേർ പാ​റ​ശ്ശാ​ല പൊലിസിന്റെ പിടിയിലായിട്ടുണ്ട്. ഒളിവിലുള്ള പ്രതികൾക്കായി തിരച്ചിൽ തുടരുകയാണ്.

പ​ര​ശു​വ​യ്ക്ക​ല്‍ തെ​ക്കേ ആ​ലം​മ്പാ​റ കൊ​ല്ലി​യോ​ട് വീ​ട്ടി​ല്‍ രാ​ജേ​ഷ് (39), പ​ര​ശു​വ​യ്ക്ക​ല്‍ മ​രം​ചു​റ്റു​കോ​ള​നി​യി​ല്‍ അ​ക്ഷ​യ് (21), പ​ര​ശു​വ​യ്ക്ക​ല്‍ ഏ​റാ​ത്ത് വീ​ട്ടി​ല്‍ സ്വ​രൂ​പ് (23) എ​ന്നി​വ​രാ​ണ് പൊലിസിന്റെ പിടിയിലായത്. ഗു​രു​ത​ര​മാ​യി പ​രി​ക്കേ​റ്റ പെ​രു​വി​ള സ്വ​ദേ​ശി മ​നു​വി​നെ തി​രു​വ​ന​ന്ത​പു​രം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലും വി​ജി​ന്‍, അ​ഖി​ല്‍ എ​ന്നി​വ​രെ കാ​ര​ക്കോ​ണം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ലും പ്ര​വേ​ശി​പ്പി​ച്ചു.

സംഭവം പൊലിസ് പറയുന്നത് ഇങ്ങനെ: പ​ര​ശു​വ​യ്ക്ക​ല്‍ കു​ണ്ടു​വി​ള​യി​ല്‍ റോ​ഡി​ന്റെ വ​ശ​ത്ത് സ്ഥാ​പി​ച്ച പു​ല്‍ക്കൂ​ടി​ന് സ​മീ​പ​ത്ത് നി​ന്ന​വ​രെ രാ​ത്രി 11ഓ​ടെ ബൈ​ക്കി​ലെ​ത്തി​യ രാ​ജേ​ഷും സു​ഹൃ​ത്തും അ​സ​ഭ്യം വിളിക്കുകയായിരുന്നു. പി​ന്നാ​ലെ ഇ​രു കൂ​ട്ട​രും ത​മ്മി​ല്‍ വാ​ക്കേ​റ്റം ഉ​ണ്ടാ​യി. തു​ട​ര്‍ന്ന് മ​ട​ങ്ങി പോ​യ രാ​ജേ​ഷും സു​ഹൃ​ത്തും ആ​റു പേ​രു​മാ​യി മ​ട​ങ്ങി​യെ​ത്തി പു​ല്‍ക്കൂ​ട് സ്ഥാ​പി​ച്ച​വ​രെ മ​ർ​ദി​ക്കു​ക​യും ആ​യു​ധം കൊ​ണ്ട് കു​ത്തി പ​രി​ക്കേ​ല്‍പ്പി​ക്കു​ക​യു​മാ​യി​രു​ന്നു.