മോസ്‌ക്കോ:റഷ്യന്‍ അതിര്‍ത്തി ഗ്രാമമായ ബെല്‍ഗോറോദിലുണ്ടായ ഷെല്ലാക്രമണത്തില്‍ രണ്ട് പേര്‍ കൊല്ലപ്പെട്ടു.യുക്രൈനിലെ
39 പേരുടെ മരണത്തിനിടയാക്കിയ മിസൈല്‍, ഡ്രോണ്‍ ആക്രമണങ്ങള്‍ക്ക് പിന്നാലെയാണ് റഷ്യന്‍ നഗരത്തില്‍ ആക്രമണം നടന്നത്.
യുക്രൈന്‍ സേനയാണ് ആക്രമണത്തിന് പിന്നിലെന്ന് റഷ്യ ആരോപിച്ചു. ആക്രമണത്തില്‍ നിരവധി പേര്‍ക്ക് പരിക്കേറ്റതായി പ്രാദേശിക ഗവര്‍ണര്‍ വ്യാചെസ്ലാവ് ഗ്ലാദ്‌കോവ് പറഞ്ഞു.

റഷ്യക്ക് മുകളില്‍ 32 യുക്രെയ്ന്‍ ഡ്രോണുകള്‍ കണ്ടെത്തിയതായി റഷ്യന്‍ അധികൃതര്‍ ശനിയാഴ്ച രാവിലെ പറഞ്ഞിരുന്നു. മോസ്‌കോ, ബ്രയാന്‍സ്‌ക്, ഒറിയോള്‍, കുര്‍സ്‌ക് നഗരങ്ങള്‍ക്ക് മുകളിലാണ് ഡ്രോണുകള്‍ എത്തിയതെന്ന് റഷ്യന്‍ പ്രതിരോധ മന്ത്രാലയം പ്രസ്താവനയില്‍ അറിയിച്ചു. വ്യോമപ്രതിരോധ സംവിധാനം എല്ലാ ഡ്രോണുകളും തകര്‍ത്തതായും ആളപായമൊന്നുമുണ്ടായിട്ടില്ലെന്നും പ്രസ്താവനയില്‍ വ്യക്തമാക്കി.

Content Highlights:Ukraine war Missile and drone attacks launched against Russia