ഇന്നലെ നടന്ന എല്‍ക്ലാസിക്കോയില്‍ ലാമിന്‍ യമാല്‍ നേടിയ ഗോള്‍ നിഷേധിച്ചതിനെതിരേ രൂക്ഷ വിമര്‍ശനവുമായി ബാഴ്‌സലോണ പരിശീലകന്‍ സാവി ഹെര്‍ണാണ്ടസ്. ഒരു മികച്ച ടൂര്‍ണമെന്റായിട്ടും ഗോള്‍ ലൈന്‍ ടെക്‌നോളജി ഉപയോഗിക്കാത്ത സംഘാടകര്‍ക്കെതിരെയാണ് സാവി തുറന്നടിച്ചത്.

ഇത് അനീതിയാണെന്ന് പറഞ്ഞ സാവി, ലാലിഗ ലോകത്തെ മികച്ച ലീഗാകണമെങ്കില്‍ ഗോള്‍ലൈന്‍ ടെക്‌നോളജി പോലുള്ള സംവിധാനങ്ങള്‍ കൊണ്ടുവരണമെന്നും കൂട്ടിച്ചേര്‍ത്തു. ലാമിന്‍ നേടിയ ഗോള്‍, ഗോള്‍ലൈന്‍ സാങ്കേതികവിദ്യയുടെ അഭാവം ചുണ്ടിക്കാട്ടി നിഷേധിക്കുകയായിരുന്നു.

റാഫിയുടെ ക്രോസ് ലാമിന്‍ യമാല്‍ ഫ്‌ലിക് ചെയ്ത് ഗോള്‍വര കടത്തിയിരുന്നു. എന്നാല്‍ ക്യാമറ ആംഗില്‍ ലഭ്യമല്ലെന്ന കാരണത്താല്‍ ഗോള്‍ നിഷേധിച്ചു. ഇതാണ് സാവിയെ പ്രകോപിപ്പിച്ചത്.