ദോഹ: ഖത്തര്‍ എസ്.കെ.എസ്.എസ്.എഫ് നാഷണല്‍ കമ്മറ്റിയുടെ 2024-26 വര്‍ഷത്തേക്കുള്ള പുതിയ കമ്മറ്റി നിലവില്‍ വന്നു. ദോഹയിലെ അത്ലന്‍ സ്പോര്‍ട്സ് കോണ്‍ഫറന്‍സ് ഹാളില്‍ ചേര്‍ന്ന നാഷണല്‍ കൗണ്‍സിലില്‍ സത്താര്‍ പന്തല്ലൂര്‍ മുഖ്യാതിഥിയായി.

വ്യവസ്ഥാപിതമായ മെമ്പര്‍ഷിപ്പ് കാമ്പയിനിന് ശേഷമാണ് പുതിയ കമ്മറ്റി നിലവില്‍ വന്നത്.  ഒമ്പത് ജില്ല കമ്മറ്റികളും ജില്ല കമ്മറ്റികള്‍ക്ക് കീഴില്‍ വിവിധ മേഖല കമ്മറ്റികളും ഖത്തര്‍ കേന്ദ്രീകരിച്ചുള്ള ഏരിയ കമ്മറ്റികളും നാഷണല്‍ കമ്മറ്റിക്ക് കീഴില്‍ പ്രവര്‍ത്തിക്കുന്നു. 

മൂന്ന് സെഷനുകളിലായി നടന്ന കൗണ്‍സില്‍ മീറ്റില്‍ ഉസ്താദ് നാസര്‍ നദ്വി, റിയാസ് മാസ്റ്റര്‍ എന്നിവര്‍ വിഷയാവതരണം നടത്തി.കെ.ഐ.സി വര്‍ക്കിംഗ് പ്രസിഡന്റ് ഇസ്മാഈല്‍ ഹുദവി, ജനറല്‍ സെക്രട്ടറി സകരിയ്യ മാണിയൂര്‍,ഐ.സി.ബി.എഫ് പ്രസിഡന്റ് ഷാനാവാസ് ബാവ എന്നിവര്‍ സംബന്ധിച്ചു. കെ.ഐ.സി വര്‍ക്കിംഗ് സെക്രട്ടറി മജീദ് ഹുദവി തിരഞ്ഞെടുപ്പ് പ്രവര്‍ത്തനങ്ങള്‍ക്ക് നേതൃത്വം നല്‍കി. 

പുതിയ ഭരാവാഹികള്‍ : അജ്മല്‍ റഹ്‌മാനി കോഴിക്കോട് (പ്രസിഡന്റ്) റഈസ് ഫൈസി കണ്ണൂര്‍ ( സീനിയര്‍ വൈസ്.പ്രിസിഡന്റ്) ഇല്യാസ്  ദാരിമി പാലക്കാട്,മുഹമ്മദ് നദ് വി കോഴിക്കോട്, ഹാരിസ് ഹമീദ് കോസര്‍ഗോഡ് ( വൈസ്.പ്രസിഡന്റ്) ഫദ്ലു സാദാത്ത് നിസാമി മലപ്പുറം ( ജന.സെക്രട്ടറി) ബഷീര്‍ ഹുദവി പാലക്കാട് ( വര്‍ക്കിംഗ് സെക്രട്ടറി ) മുഹമ്മദ് ജിബിന്‍ സൗത്ത്‌സോണ്‍, അബൂ ത്വാഹിര്‍ തൃശൂര്‍, അബ്ദുല്‍ റഷീദ് കര്‍ണാടക ( ജോ.സെക്രട്ടറി ) ഹാഷിര്‍ ചെങ്ങളായി , സുനീര്‍ ഫൈസി വയനാട് ( ഓര്‍ഗനൈസിംഗ് സെക്രട്ടറി ) ഷഫീഖ് ഗസ്സാലി വയനാട് (ട്രഷറര്‍)