തൃശൂര്‍: പെരുമ്പിലാവ് ചന്തയില്‍ പോത്തിന്റെ ആക്രമണത്തില്‍ നാല് പേര്‍ക്കു പരുക്കേറ്റു. പോത്തിനെ വില്‍ക്കാനും വാങ്ങാനുമായി എത്തിയവര്‍ക്കാണ് പരുക്കേറ്റത്. പത്തിരിപ്പാല സ്വദേശിയായ നാസര്‍ കൊണ്ടുവന്ന പോത്താണ് അപ്രതീക്ഷിത ആക്രമണം നടത്തിയതെന്ന് സ്ഥലത്തുണ്ടായിരുന്നവര്‍ പറഞ്ഞു.

പരുക്കേറ്റവരെ പെരുമ്പിലാവിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇന്നു രാവിലെ 10 മണിയോടെയായിരുന്നു സംഭവം. പോത്തിനെ കെട്ടിയ കയര്‍ പിടിച്ചുവലിച്ചതോടെ പ്രകോപിതനായ പോത്ത് സംഭവസ്ഥലത്തുണ്ടായിരുന്നവരെ ആക്രമിക്കുകയായിരുന്നു. കാട്ടകാമ്പാല്‍ സ്വദേശി ഷെഫ്ജീര്‍ പോപ്പു, കീക്കര സ്വദേശി റഷീദ് തുടങ്ങിയവര്‍ ചേര്‍ന്നാണ് ഏറെ നേരത്തെ പരിശ്രമത്തിനൊടുവില്‍ പോത്തിനെ തളച്ചത്.