ഇന്ത്യയ്ക്ക് പുറത്തു നിന്ന് മെഡിക്കൽ വിദ്യാഭ്യാസ യോഗ്യത നേടിയവർക്ക് ഇന്ത്യൻ മെഡിക്കൽ കൗൺസിലിന്റെയോ സ്റ്റേറ്റ് മെഡിക്കൽ കൗൺസിലിന്റെയോ രജിസ്‌ട്രേഷൻ നേടുന്നതിനുള്ള യോഗ്യതാപരീക്ഷ എഫ്.എം.ജി.ഇ - ഫോറിൻ മെഡിക്കൽ ഗ്രാജുവേറ്റ് എക്സാമിനേഷന് അപേക്ഷ ക്ഷണിച്ചു. മെയ് 20 വരെയാണ് അപേക്ഷിക്കാനുള്ള അവസരം. 2024 ജൂലൈ ആറിന് നാഷണൽ ലെവലിൽ പരീക്ഷ നടത്തും. ഡൽഹിയിലെ നാഷണൽ ബോർഡ് ഓഫ് എക്സാമിനേഷൻസ് ഇൻ മെഡിക്കൽ സയൻസിനാണ് പരീക്ഷ നടത്തിപ്പ് ചുമതല.

6195 രൂപയാണ് പരീക്ഷാഫീസ്. വർഷത്തിൽ രണ്ടു തവണയാണ് പരീക്ഷ നടക്കുന്നത്. അവസാനമായി നടന്നത് ജനുവരി 20നാണ്. ഇന്ത്യൻ പൗരൻമാർക്കും പ്രവാസി ഇന്ത്യക്കാർക്കുമാണ് അപേക്ഷിക്കാനുള്ള അവസരമുള്ളത്. പരീക്ഷയിൽ നെഗറ്റീവ് മാർക്ക് ഉണ്ടായിരിക്കുന്നതല്ല. അപേക്ഷിക്കുന്നവർ വിദേശത്തുനിന്ന് ഈ വർഷം ഏപ്രിൽ 30നകം മെഡിക്കൽ വിദ്യാഭ്യാസ യോഗ്യത പൂർത്തിയാക്കിയിരിക്കണം. 

പരീക്ഷയ്ക്കുള്ള മാർഗ്ഗനിർദ്ദേശങ്ങളും സിലബസും ഔദ്യോഗിക വെബ്സൈറ്റിൽ ലഭ്യമാണ്. പരീക്ഷാർത്ഥികൾ നീറ്റ് യുജി- എലിജിബിലിറ്റി സർട്ടിഫിക്കറ്റും ഹാജരാക്കേണ്ടതായുണ്ട്. രാജ്യത്ത് 55 പരീക്ഷ കേന്ദ്രങ്ങളുണ്ട്. ഇതിൽ കേരളത്തിൽ കൊല്ലം, കോട്ടയം, എറണാകുളം, കോഴിക്കോട്, തൃശ്ശൂർ, കണ്ണൂർ എന്നിവയാണ്. 300 മാർക്കിന്റെ പരീക്ഷയിൽ 50 ശതമാനത്തിലേറെ നേടുന്നവർക്കാണ് യോഗ്യത. ഈ വർഷം ആഗസ്ത് ആറിന് ഫലപ്രഖ്യാപനമുണ്ടാവും.

കൂടുതൽ വിവരങ്ങൾക്ക് സന്ദർശിക്കുക
www.natboard.edu.in

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക