കേന്ദ്ര ആഭ്യന്തര മന്ത്രലയത്തിന് കീഴില്‍ നാഗ്പൂരിലുള്ള നാഷനല്‍, ഫയര്‍ സര്‍വീസ് കോളജില്‍ 2024-25 വര്‍ഷത്തെ ബി.ടെക് ഫയര്‍ എഞ്ചിനീയറിങ് പ്രവേശനത്തിന് അപേക്ഷ ക്ഷണിച്ചു. ജെ.ഇ.ഇ 2024 റാങ്കടിസ്ഥാനത്തിലാണ് പ്രവേശന നല്‍കുക. പത്താമത് ബാച്ചിലേക്കുള്ള പ്രവേശനമാണ് ഇപ്പോള്‍ നടക്കുന്നത്. ആകെ 60 സീറ്റുകളാണുള്ളത്. 

യോഗ്യത മാനദണ്ഡങ്ങള്‍

ഫിസിക്‌സ്/ മാത്തമാറ്റിക്‌സ്/ കെമിസ്ട്രി/ ബയോടെക്‌നോളജി/ ബയോളജി വിഷയങ്ങളില്‍ ആകെ 50 ശതമാനം മാര്‍ക്കില്‍ കുറയാതെ ഹയര്‍സെക്കണ്ടറി / പ്ലസ് ടു/ തത്തുല്യ ബോര്‍ഡ് പരീക്ഷ വിജയിച്ചിവര്‍ക്കാണ് അപേക്ഷിക്കാനാവുക. 

ഇവര്‍ ജെഇഇ മെയിന്‍ 2024 റാങ്ക് പട്ടികയില്‍ ഉള്‍പ്പെട്ടിരിക്കണം. 

പുരുഷന്‍മാര്‍ക്ക് 165 സെന്റീമീറ്ററിന് മുകളില്‍ നീളം വേണം. നെഞ്ചളവ് 81-86 സെ.മീ. ഭാരം 50 കിലോയില്‍ കുറയരുത്. 

വനിതകള്‍ക്ക് 157 സെ.മീറ്റര്‍ ഉയരം വേണം. ഭാരം 46 കിലോഗ്രാമില്‍ കുറയരുത്. 

മെഡിക്കല്‍, ഫിസിക്കല്‍ ഫിറ്റ്‌നസുണ്ടായിരിക്കണം. ആര്‍.ടി.എം നാഗ്പൂര്‍ സര്‍വകലാശാലയോട് അഫിലിയേറ്റ് ചെയ്താണ് നാലുവര്‍ഷത്തെ കോഴ്‌സ് നടത്തുന്നത്. 

ട്യൂഷന്‍ ഫീസ്

വാര്‍ഷിക ട്യൂഷന്‍ ഫീസ് = 15,000 രൂപ. 

ഡെവലപ്‌മെന്റ് ഫീസ് = 5000 രൂപ. 

മറ്റ് ഫീസുകള്‍ = 4000 രൂപ. 

ഹോസ്റ്റല്‍ ഫീസ് = 18,000 രൂപ. 

ആകെ വര്‍ഷത്തില്‍ 42,000 രൂപ അടക്കണം. 

വിശദവിവരങ്ങളടങ്ങിയ ബ്രോഷര്‍ www.nfscnagpur.nic.in നിന്നും ഡൗണ്‍ലോഡ് ചെയ്യാം. ഉദ്യോഗാര്‍ഥികള്‍ 500 രൂപ ഫീസടക്കണം. പ്രവേശനം ലഭിക്കുന്നവര്‍ നിര്‍ബന്ധമായും ഹോസ്റ്റലില്‍ താമസിച്ച് പഠിക്കണം. 

അന്വേഷണങ്ങള്‍ക്ക്: [email protected] എന്ന ഇ-മെയിലില്‍ ബന്ധപ്പെടുക.  സംശയങ്ങള്‍ക്ക്: 0712-2982225. 

വിദ്യാഭ്യാസ വാർത്തകള്‍ വാട്സ്ആപ്പിൽ ലഭിക്കാന്‍ ക്ലിക് ചെയ്യുക