വിബ്രിയോ കോളറ എന്നയിനം ബാക്ടീരിയ വഴിയുണ്ടാകുന്ന ഒരിനം വയറിളക്ക രോഗമാണ് ശ്രദ്ധിച്ചില്ലെങ്കില്‍ പെട്ടെന്ന്  രോഗം പടരും. 

രോഗപ്പകര്‍ച്ച
മലിനജലവും ഭക്ഷണവും വഴി പടരുന്നു. രോഗാണുക്കള്‍ ശരീരത്തിലെത്തി മണിക്കൂറുകള്‍ മുതല്‍ 5 ദിവസത്തിനുള്ളില്‍ രോഗം വരാം.
ലക്ഷണങ്ങള്‍
പെട്ടെന്നുള്ള, വയറു വേദനയില്ലാത്ത, വെള്ളം പോലെയുള്ള (പലപ്പോഴും കഞ്ഞിവെള്ളം പോലെയുള്ള) വയറിളക്കം. 
മിക്കപ്പോഴും ഛര്‍ദ്ദിയുണ്ടായിരിക്കും.
രോഗി നിര്‍ജ്ജലീകരണത്തിലേക്കും തളര്‍ന്നു കുഴഞ്ഞ അവസ്ഥയിലുമെത്താം.
ശ്രദ്ധ വേണം 
രോഗം ഗുരുതരവും മരണ കാരണവുമാകുന്നത് നിര്‍ജ്ജലീകരണം മൂലമാണ്. ആരംഭം മുതല്‍ ഒ.ആര്‍.എസ് ലായനി ഉപയോഗിച്ചുള്ള പാനീയ ചികിത്സ ഗുരുതരാവസ്ഥ ഒഴിവാക്കാം.

പ്രതിരോധം
തിളപ്പിച്ചാറിയ വെള്ളം മാത്രം കുടിക്കുക. ഭക്ഷണവും വെള്ളവും തുറന്നു വയ്ക്കരുത്
ഭക്ഷ്യവസ്തുക്കള്‍ നന്നായി വേവിച്ച് കഴിക്കുക
പഴം, പച്ചക്കറികള്‍ ശുദ്ധജലത്തില്‍ നന്നായി കഴുകുക
മലമൂത്ര വിസര്‍ജനത്തിനു ശേഷവും ആഹാരം കഴിക്കുന്നതിനുമുമ്പും സോപ്പ് ഉപയോഗിച്ച് കൈകള്‍ കഴുകുക
വയറിളക്കമോ ഛര്‍ദ്ദിയോ ഉണ്ടായാല്‍ ധാരാളം വെള്ളം കുടിക്കുക
ലക്ഷണങ്ങള്‍   ഉണ്ടെങ്കില്‍    ചികിത്സ  തേടണം.

cholera-prevention-measures