ഇന്നൊരു വറൈറ്റി  പുട്ടാവട്ടെ. കാരറ്റും തേങ്ങയും പാല്‍പൊടിയുമൊക്കെ ഇട്ട് നല്ലൊരു പുട്ട് റെഡിയാക്കാം. വളരെ ഹെല്‍തിയും അടിപൊളി രുചിയുമുള്ള ഈ പുട്ട് കഴിക്കാന്‍ മറക്കരുതേ.. 

1, പുട്ടുപൊടി - ഒരു കപ്പ്

ഗ്രേറ്റ് ചെയ്‌തെടുത്ത കാരറ്റ് 
ഒരു കപ്പ്

കാല്‍ കപ്പ് തേങ്ങ ചിരവിയത്

ഒന്നര ടേബിള്‍ സ്പൂണ്‍ പാല്‍പൊടി 

രണ്ട് ടേബിള്‍ സ്പൂണ്‍ പഞ്ചസാര

കാല്‍ ടീസ്പൂണ്‍ ഉപ്പ് 
 

ഉണ്ടാക്കുന്ന വിധം
ഒരു പാത്രത്തില്‍ പുട്ടുപൊടിയും ഗ്രേറ്റ് ചെയ്ത കാരറ്റും തേങ്ങയും പാല്‍പൊടിയും പഞ്ചസാരയും ഉപ്പുമിട്ട് നന്നായി മിക്‌സ് ചെയ്യുക. ശേഷം ഒരു സ്പൂണ്‍ നെയ് കൂടെ ചേര്‍ത്തു ഒന്നുകൂടെ മിക്‌സ് ചെയ്യുക. വെള്ളം ചേര്‍ത്ത് പുട്ടിനു നനയ്ക്കുന്ന പോലെ തന്നെ. എന്നിട്ട് 15 മിനിറ്റ് മാറ്റിവയ്ക്കുക. 

2, ഒരു പാത്രത്തില്‍ അരക്കപ്പ് തേങ്ങചിരവിയത് കുറച്ച് പാല്‍പൊടി ഒരു സ്പൂണ്‍ പഞ്ചസാര എന്നിവയുടെ മിക്‌സ് റെഡിയാക്കി വയ്ക്കുക.

ഇനി പുട്ടുകുറ്റിയില്‍ ആദ്യം  രണ്ടാമത്തെ ചേരുവയിട്ട് അതിനു ശേഷം ഒന്നാമത്തെ ചേരുവയിട്ട് പുട്ട് കുറ്റിയില്‍ പുട്ടുണ്ടാക്കുന്ന പോലെ നിറയ്ക്കുക. ശേഷം  ആവിയില്‍ വേവിച്ചെടുക്കുക. അടി പൊളി ഹെല്‍തി പുട്ടാണിത്. പഞ്ചസാര വേണ്ടാത്തവര്‍ക്ക് ഒഴിവാക്കാം.