കണ്ണൂർ: കേരളത്തെ വിഴുങ്ങിയ ഒരു മഹാപ്രളയത്തിൻ്റെ ഒാർമകൾക്ക് ഇന്ന് നൂറ് വയസ്. 99 ലെ പ്രളയമെന്നറിയപ്പെടുന്ന, കൊല്ലവർഷം 1099 ൽ (1924) കേരളത്തെ വിഴുങ്ങിയ പ്രളയകാലത്തെ പോലൊരു മഴ പീന്നീടൊരിക്കലും പെയ്തിട്ടില്ല. കേരളത്തിൻ്റെ ഭൂപ്രകൃതിയെ മാറ്റിമറിച്ച ഇതുപോലൊരു പ്രളയവും പിന്നീടുണ്ടായിട്ടില്ല. 1939ലും 1961 ലും ഇൗയടുത്ത് 2018ലുമെല്ലാം കേരളത്തെ പിടിച്ചുകുലുക്കിയ പ്രളയങ്ങൾ വന്നിരുന്നെങ്കിലും നൂറ് വർഷം മുമ്പത്തെ ആ മഹാപ്രളയത്തോളം വരില്ല ഒന്നും.

1924 ജൂലൈ 14 മുതൽ 20 വരെ പെയ്തത് 591.3 മില്ലിമീറ്റർ മഴയായിരുന്നു. കഴിഞ്ഞ ഒന്നേകാൽ നൂറ്റാണ്ടിനിടയിൽ ഏറ്റവും കൂടുതൽ മഴ ലഭിച്ച കാലവർഷവും (3451 മില്ലിമീറ്റർ) മാസവും (1527 മില്ലിമീറ്റർ ) 1924 ലെ പ്രളയകാല മഴയിലായിരുന്നു. 2018 ൽ സംസ്ഥാനത്ത് പ്രളയമുണ്ടാക്കിയ കാലവർഷ മഴ 2516 മില്ലിമീറ്ററായിരുന്നു. അന്ന് ഒാഗസ്റ്റ് മാസത്തിൽ പെയ്തത് 771 മില്ലിമീറ്ററും.

99 ലെ പ്രളയമഴയ്ക്ക് കാരണമായത് ചുഴലിക്കാറ്റാണ്. കനത്ത നഷ്ടമാണ് ഉണ്ടായത്. മൂന്നാറിനെ അടക്കം പിടിച്ചുകുലുക്കിയ പ്രളയത്തിൽ ബ്രിട്ടീഷുകാർ അവിടെ സ്ഥാപിച്ച റെയിൽവേ ലൈനടക്കം എന്നെന്നേക്കുമായി വിസ്മൃതിയിലായി. 1924 ജൂലൈ രണ്ടാമത്തെ ആഴ്ച്ച മലബാറിലാണ് മഴ തുടങ്ങിയത്. അവസാനിച്ചത് കേരളത്തെ മുഴുവൻ വെള്ളത്തിലാക്കിയും. കേരള സംസ്ഥാനം രൂപപ്പെടുന്നതിന് മുമ്പായതിനാൽ ആ ദുരന്തത്തിന്റെ മൊത്തം നഷ്ടം, മരണം ഇതൊന്നും രേഖപ്പെടുത്തിയിട്ടില്ല. അതിനാൽ ദുരന്തത്തിന്റെ ആഴവും വ്യക്തമല്ല. തകഴിയുടെ 'വെള്ളപ്പൊക്കത്തിൽ' എന്ന കൃതിയിൽ അന്നത്തെ പ്രളയത്തിൻ്റെ ദുരന്തചിത്രം പ്രതിപാദിച്ചിട്ടുണ്ട്.

Today marks the 100th anniversary of the Great Flood that devastated Kerala. Reflect on the memories and impact of this historic natural disaster.