ഖത്തർ ആഭ്യന്തര മന്ത്രാലയം രാജ്യത്തെ യാത്രാവേളയിൽ ഇലക്ട്രോണിക് തട്ടിപ്പുകൾക്ക് ഇരയാകാതിരിക്കുന്നതിന് സ്വീകരിക്കാവുന്ന മുൻകരുതൽ നടപടികൾ  പങ്ക് വെച്ചു. 2024 ജൂലൈ 14-നാണ് ഇത് സംബന്ധിച്ച അറിയിപ്പ് ഖത്തർ ആഭ്യന്തര മന്ത്രാലയം പുറത്തുവിട്ടത്.

ഡിജിറ്റൽ തട്ടിപ്പുകൾക്ക് ഇരയാകുന്നത് ഒഴിവാക്കുന്നതിനായി യാത്രികർക്ക് താഴെ പറയുന്ന മുൻകരുതലുകൾ എടുക്കാവുന്നതാണ്.

-പരിചയമില്ലാത്ത ക്യൂ ആർ കോഡുകൾ സ്കാൻ ചെയ്യുന്നത് ഒഴിവാക്കുക.

-തിരക്കുള്ളതും, തുറന്നതുമായ ഇടങ്ങളിലെ എ ടി എം കേന്ദ്രങ്ങൾ ഉപയോഗിക്കുന്നത് ഒഴിവാക്കുക. പകരം ബാങ്കുകളുടെ ബ്രാഞ്ചുകളിൽ പ്രവർത്തിക്കുന്ന എ ടി എം കേന്ദ്രങ്ങൾ ഉപയോഗിക്കാൻ ശ്രമിക്കുക.

-തട്ടിപ്പുകൾ ഒഴിവാക്കുന്നതിനായി ഹോട്ടൽ മുറികൾ, യാത്രാ സേവനങ്ങൾ, ടൂർ സേവനങ്ങൾ എന്നിവ ബുക്ക് ചെയ്യുന്നതിനായി പൊതുജനങ്ങൾക്കിടയിൽ മതിപ്പുള്ളതായ വെബ്സൈറ്റുകൾ ഉപയോഗിക്കുക.

-രേഖകൾ, മൊബൈൽ, ലാപ്ടോപ്പ് തുടങ്ങിയ സ്വകാര്യ ഉപകരണങ്ങൾ എന്നിവ സുരക്ഷിതമായി സൂക്ഷിക്കേണ്ടതാണ്.

-സൈബർ കുറ്റകൃത്യങ്ങൾ റിപ്പോർട്ട് ചെയ്യുന്നതിനായി 6681 5757 എന്ന നമ്പറിലൂടെയോ, [email protected] എന്ന ഇമെയിൽ വിലാസത്തിലൂടെയോ, Metrash2 ആപ്പിലൂടെയോ സൈബർ ക്രൈംസ് കോംബാറ്റിംഗ് വകുപ്പുമായി ബന്ധപ്പെടാവുന്നതാണ്.

-സുരക്ഷിതവും, പ്രൈവറ്റ് ആയതുമായ വൈ-ഫൈ നെറ്റ്‌വർക്കുകൾ മാത്രം ഉപയോഗിക്കുക.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക