ചിക്കന്‍ഫ്രൈയും ചിക്കന്‍ കറിയുമെല്ലാം നമ്മള്‍ എപ്പഴും കഴിക്കുന്നതാണ്. എന്നാല്‍ ഇന്നൊരു വറൈറ്റിയാക്കാം. അഫ്ഗാന്‍ ക്രീമി ചിക്കന്‍ കറി. കിടിലന്‍ രുചിയുള്ള ഈ കറി കുട്ടികള്‍ക്കും മുതിര്‍ന്നവര്‍ക്കുമൊക്കെ ഒരുപോലെ ഇഷ്ടമാവുകയും ചെയ്യും.

ആവശ്യമുള്ള ചേരുവകള്‍

ചിക്കന്‍  -അര കിലോ 

കശുവണ്ടി- 6 എണ്ണം 

സവാള  -ചെറുത് 1 

വെളുത്തുള്ളി  -4 അല്ലി 

ഇഞ്ചി  -ഒരു കഷ്ണം 

പച്ചമുളക് -2 എണ്ണം
 
കുരുമുളക് പൊടി  -ഒരു ടേബിള്‍ സ്പൂണ്‍ 

ഗരംമസാല -അര സ്പൂണ്‍ 

ഉപ്പ് -പാകത്തിന് 

തൈര് -ഒരു ചെറിയ കപ്പ് 

ക്രീം  -ഒന്നര ടേബിള്‍ സ്പൂണ്‍

ബട്ടര്‍  -അല്‍പം 

തയ്യാറാക്കുന്ന വിധം 

അഫ്ഗാന്‍ ചിക്കന്‍ റെഡിയാക്കാന്‍ ആദ്യം കുതിര്‍ത്തുവച്ച കശുവണ്ടിയും പച്ചമുളകും ഇഞ്ചിയും വെളുത്തുള്ളിയും കൂടെ നന്നായി അരച്ചെടുക്കുക. ഇനി കഴുകി വൃത്തിയക്കി വച്ച ചിക്കനില്‍ ഈ അരപ്പും കുറച്ച് ക്രീമും തൈരും ഉപ്പും ഗരംമാസലയും കുരുമുളകു പൊടിയുമിട്ട് നന്നായി കുഴച്ചു വയ്ക്കുക.

ഇനി ഒരു കടായി ചൂടാക്കി അതിലേക്ക് എണ്ണയൊഴിച്ച് ചിക്കന്‍ വറുത്തെടുക്കുക. പീസ് പീസായി. ശേഷം ആ എണ്ണയിലേക്ക് കുറച്ച് ബട്ടര്‍ ചേര്‍ക്കുക. അവശേഷിക്കുന്ന കൂട്ട് ഇതിലേക്ക് ചേര്‍ത്ത് നല്ലപോലെ ഇളക്കി മിക്‌സ് ചെയ്യണം. ഇനി വറുത്തെടുത്ത കഷണങ്ങള്‍ ഇതിലേക്ക് ചേര്‍ത്ത് 10 മിനിറ്റ് അടച്ച് വച്ച് വേവിക്കുക. സൂപ്പര്‍ ക്രീമി ചിക്കന്‍ റെഡി.