ശരാശരി ആഗോള നിരക്ക് ഉയര്‍ന്നതിനാല്‍ യു.എ.ഇയിലെ പെട്രോള്‍ നിരക്ക് ആഗസ്റ്റില്‍ കുതിച്ചുയരാനാണ് സാധ്യത. ജൂലൈയിലെ ആഗോളതലത്തിലുള്ള എണ്ണവില 84 ഡോളറായിരുന്നു. ജൂലൈ മാസത്തിന്റെ ആദ്യ പകുതിയില്‍ ബ്രെന്റ് ബാരലിന് 85 ഡോളര്‍ നിരക്കില്‍ വ്യാപാരം നടന്നെങ്കിലും തിങ്കളാഴ്ച വൈകുന്നേരത്തോടെ ഇത് 79.77 ഡോളറായി കുറഞ്ഞു. ജൂലൈയില്‍ എണ്ണവില 87 ഡോളറായിരുന്നു എന്നാല്‍ ജൂലൈ 19 ഓടെ ഇത് 81.56 എന്ന നിരക്കിലേക്ക് കുറഞ്ഞു. ക്രൂഡ് വില ജൂലൈ 4 ന് ശേഷമുള്ള ഏറ്റവും കൂടിയ നിലയിലെത്തി യു.എസ് ലെ ഇന്‍വെന്‍ഡറികളിലുണ്ടായ ഇടിവാണ് ഇതിനു കാരണം.

യു.എ.ഇയിലെ ഇന്ധനവില കമ്മിറ്റി എല്ലാ മാസവും ആഗോള വിലക്കനുസരിച്ച് ചില്ലറ പെട്രോള്‍ വില പരിഷ്‌കരിക്കാറുണ്ട്. ജൂലൈയില്‍ യു.എ.ഇയില്‍ പെട്രോള്‍ നിരക്ക് ലിറ്ററിന് 14-15 ഫില്‍സ് കുറഞ്ഞു. സൂപ്പര്‍ 98, സ്‌പെഷ്യല്‍ 95, ഇപ്ലസ് 91 എന്നി ഇനങ്ങളുടെ വില യഥാക്രമം 2.99, 2.88, 2.80 ദിര്‍ഹം എന്നിങ്ങനെയായിരുന്നു.

സെഞ്ച്വറി ഫിനാന്‍ഷ്യലിന്റെ ചീഫ് ഇന്‍വെസ്റ്റ്‌മെന്റ് ഓഫീസര്‍ വിജയ് വലേച്ച പറയുന്നത് മിഡില്‍ ഈസ്റ്റ് മേഖലയിലെ പ്രശ്‌നങ്ങള്‍ ക്രൂഡ് ഓയല്‍ വിപണിയെ ബാധിക്കുമെന്നാണ്. ഈ ആഴ്ച നടക്കുന്ന യുഎസ് ഫെഡറല്‍ റിസര്‍വ് യോഗത്തിന്റെ ഫലത്തിനായി വിപണി കാത്തിരിക്കുകയാണ്. യുഎസ് ഫെഡറല്‍ റിസര്‍വ് ഇത്തവണ പലിശ നിരക്കുകള്‍ നിലവിലേതുപോലെ നിലനിര്‍ത്തുമെന്നും സെപ്തംബര്‍ യോഗത്തില്‍ ഇത് കുറക്കുമെന്നുമാണ് പ്രതീക്ഷയെന്നും വലേച്ച അഭിപ്രായപ്പെട്ടു.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക