തൊഴിലന്വേഷകർക്ക് പ്രത്യേക അറിയിപ്പുമായി യുഎഇ.രാജ്യത്ത് സോഷ്യൽ മീഡിയകളിലൂടെയുള്ള തട്ടിപ്പുകൾ കൂടൂന്നെന്നും താമസക്കാർ ജാ​ഗ്രത പുലർത്തണമെന്നും നിർദേശിച്ച് അബുദബി പോലിസ്. റിയൽ എസ്റ്റേറ്റിൻ്റെ ഫോട്ടോകൾ സോഷ്യൽ മീഡിയയിൽ പോസ്റ്റ് ചെയ്യുക, പ്രശസ്ത റെസ്റ്റോറൻ്റുകളെയും ഷോപ്പുകളെയും അനുകരിക്കുന്ന വ്യാജ വെബ്‌സൈറ്റുകൾ നിർമിക്കുക, ഫീസിനു പകരമായി പ്രത്യേക ഓഫറുകൾ വാഗ്ദാനം നൽക്കുക,വാഹനങ്ങളുടെ വ്യാജ നമ്പറുകൾ വിൽക്കാൻ ടോക്കണുകൾ അടയ്ക്കുകഈ തുടങ്ങി നിരവധി രീതിയിലുള്ള തട്ടിപ്പുകൾ സോഷ്യൽ മീഡിയകൾ വഴി ഇപ്പോൾ നടക്കുന്നുണ്ട്,

 ഈ സോഷ്യൽ മീഡിയ വാ​ഗ്ദാനത്തിൽ വിശ്വസിച്ച് വ്യാജ വെബ്സൈറ്റിൽ കയറി ബാങ്ക്, കാർഡ് വിവരങ്ങൾ നൽകി പണമടച്ചുകഴിഞ്ഞാൽ, ഇരകളുടെ അക്കൗണ്ടുകളിൽ നിന്നുള്ള തുകയെല്ലാം തട്ടിപ്പുകാർ തട്ടിയെടുക്കുന്നതായാണ് റിപ്പോർട്ടുകൾ. വ്യാജ നിയമന പരസ്യങ്ങൾ ഇപ്പോൾ സോഷ്യൽ മീഡിയയിൽ വൻ തോതിൽ പ്രചരിക്കുന്നുണ്ട്.എന്നാൽ  തൊഴിലന്വേഷകർ ഈ കാര്യത്തിൽ ജാ​ഗ്രത പുലർത്തണമെന്നും അംഗീകൃത റിക്രൂട്ട്‌മെൻ്റ് കമ്പനികളുമായി മാത്രം കരാറിലേർപ്പെടാനും പോലിസ് ആഹ്വാനം ചെയ്തു.കൂടാതെ ജോലിയുടെ പേരിൽ തട്ടിപ്പുകാർ അപേക്ഷകരിൽ നിന്ന് ഫീസ് ഈടാക്കുന്നുണ്ട്. അത്തരക്കാരുമായി ജാ​ഗ്രതയോടെ ഇടപഴകണമെന്നും പോലീസ് പറഞ്ഞു. 

താമസക്കാർ അവരുടെ ഓൺലൈൻ ബാങ്കിംഗ് പാസ്‌വേഡുകൾ, എടിഎം വ്യക്തിഗത തിരിച്ചറിയൽ നമ്പറുകൾ, സെക്യൂരിറ്റി നമ്പർ (സിവിവി) എന്നിവയുൾപ്പെടെയുള്ള ബാങ്ക് അക്കൗണ്ട് വിവരങ്ങൾ  ആരുമായും പങ്കിടരുതെന്ന് അധികൃതർ മുന്നറിയിപ്പ് നൽകി. ബാങ്ക് ജീവനക്കാർ ഒരിക്കലും ഈ വിവരങ്ങൾ ചോദിക്കില്ലെന്നും അധികൃതർ പറഞ്ഞു. ബാങ്ക് വിവരങ്ങൾ അപ്‌ഡേറ്റ് ചെയ്യാൻ ആവശ്യപ്പെട്ട് അജ്ഞാതരായ ആളുകളിൽ നിന്ന് ലഭിക്കുന്ന കോളുകൾ ഉടൻ റിപ്പോർട്ട് ചെയ്യണമെന്ന് അബുദബി പോലിസ് പൊതുജനങ്ങളോട് നിർദ്ദേശിച്ചു. താമസക്കാർക്ക് റിപ്പോർട്ട് ചെയ്യാൻ അടുത്തുള്ള പോലിസ് സ്റ്റേഷനി ബന്ധപ്പെടുകയോ അല്ലെങ്കിൽ 2828 എന്ന നമ്പറിലേക്ക് സന്ദേശം അയച്ചുകൊണ്ട് സുരക്ഷാ സേവന നമ്പറായ 8002626-നെ ബന്ധപ്പെടാം.

UAE officials urge job seekers to stay vigilant against fraudulent job offers. They emphasize verifying employers, using official job application channels, and reporting suspicious activities to authorities. Stay informed to secure legitimate employment opportunities.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക