തിരുവനന്തപുരം: തുമ്പയില്‍ മത്സ്യബന്ധന വള്ളം മറിഞ്ഞ് ഒരാളെ കാണാതായി. തുമ്പ സ്വദേശി സെബാസ്റ്റ്യനെ(42) ആണ് കാണാതായത്. വള്ളത്തിലുണ്ടായിരുന്ന 4 പേര്‍ നീന്തിക്കയറി. ഇന്ന് രാവിലെ എട്ടു മണിയോടെ മത്സ്യബന്ധനത്തിന് പുറപ്പെട്ടപ്പോഴാണ് അപകടം

സെബാസ്റ്റ്യനെ തിരച്ചുഴിയില്‍പ്പെട്ട് കാണാതാവുകയായിരുന്നു. മത്സ്യതൊഴിലാളികള്‍ തെരച്ചില്‍ ആരംഭിച്ചു. കോസ്റ്റല്‍ പൊലരസ് സ്ഥലത്തേക്ക് തിരിച്ചിട്ടുണ്ട്. 

അതേസമയം, തിരുവനന്തപുരം മുതലപ്പൊഴിയിലും രാവിലെ അപകടമുണ്ടായി. തിരയില്‍പെട്ട് വള്ളം മറിയുകയായിരുന്നു. വള്ളത്തിലുണ്ടായിരുന്ന മൂന്നുപേരും പരുക്കേല്‍ക്കാതെ രക്ഷപ്പെട്ടു.