മൂന്നാം ഏകദിനത്തില്‍ ശ്രീലങ്കയ്‌ക്കെതിരെ ഇന്ത്യക്ക് ദയനീയ തോല്‍വി, മൂന്ന് മത്സര പരമ്പരയിലെ അവസാന മത്സരത്തില്‍ 110 റണ്‍സിനാണ് ശക്തരായ ഇന്ത്യയെ ലങ്ക പരാജയപ്പെടുത്തിയത്. അവിഷ്‌ക ഫെര്‍ണാണ്ടോ (96), കുശാല്‍ മെന്‍ഡിന്‍സ് (59) എന്നിവരുടെ അര്‍ദ്ധസെഞ്ചുറിയുടെ ബലത്തില്‍ ഏഴ് വിക്കറ്റിന് 248 റണ്‍സെടുത്തു. മറുപടി ബാറ്റിങ്ങില്‍ ഇന്ത്യ 26.1 ഓവറില്‍ 138ന് എല്ലാവരും പുറത്തായി. ഇതോടെ മൂന്ന് മത്സരങ്ങളുടെ പരമ്പര ആതിഥേയര്‍ 2-0ത്തിന് സ്വന്തമാക്കി. ആദ്യ മത്സരം ടൈയില്‍ അവസാനിച്ചിരുന്നു.

കരിയറിലെ രണ്ടാം അഞ്ച് വിക്കറ്റ് പ്രകടനവുമായി തിളങ്ങിയ ആള്‍ റൗണ്ടര്‍ ദുനിത് വെല്ലാലഗെയുടെ പ്രകടനമാണ് ലങ്കന്‍ വിജയത്തില്‍ നിര്‍ണ്ണായകമായത്. വെല്ലാലഗെയുടെ കരിയറിലെ രണ്ട് അഞ്ച് വിക്കറ്റ് നേട്ടവും ഇന്ത്യക്കെതിരെയാണ് എന്നത് മറ്റൊരു കൗതുകം.  5.1 ഓവറില്‍ വെറും 27 റണ്‍സ് മാത്രം വഴങ്ങിയാണ് താരം രോഹിത് ശര്‍മ, വിരാട് കോഹ്ലി, ശ്രേയസ് അയ്യര്‍, അക്‌സര്‍ പട്ടേല്‍, കുല്‍ദീപ് യാദവ് തുടങ്ങിയ പ്രധാന വിക്കറ്റുകള്‍ നേടിയത്. മഹേഷ് തീക്ഷണ, ജെഫ്രെ വാണ്ടര്‍സെ എന്നിവര്‍ രണ്ട് വിക്കറ്റുകള്‍ വീതവും പേസര്‍ അസിത ഫെര്‍ണാന്‍ഡോ ഒരു വിക്കറ്റും വീഴ്ത്തി.

In the 3rd ODI of the series, India suffered a disappointing defeat against Sri Lanka. Despite their efforts, the Indian team was outplayed by Sri Lanka, who showcased superior performance in all aspects of the game