കൊച്ചി: അബൂദബിയിലേക്ക് പോകേണ്ട വിമാനത്തിന്റെ തകരാറിനെ തുടര്‍ന്ന് യാത്രക്കാര്‍ കൊച്ചി അന്താരാഷ്ട്ര വിമാനത്താവളത്തില്‍ കുടുങ്ങി. പുലര്‍ച്ചെ 4.25ന് പുറപ്പെടേണ്ടിയിരുന്ന ഇത്തിഹാദ് എയര്‍വേയ്‌സ് വിമാനമാണ് തകരാറിലായത്.

തകരാറ് പരിഹരിച്ച് വിമാനം വൈകിട്ട് 4.30ന് പുറപ്പെടുമെന്നാണ് അധികൃതര്‍ പറയുന്നത്. പകരം ക്രമീകരണം ആവശ്യപ്പെട്ട് യാത്രക്കാര്‍ ഏറെ നേരം ബഹളം വയ്ക്കുകയും ചെയ്തതോടെ ഇവര്‍ക്ക് ഭക്ഷണവും വിശ്രമസൗകര്യവും അധികൃതര്‍ പിന്നീട് ഏര്‍പ്പെടുത്തുകയായിരുന്നു.