ടൂറിസം,ബിസിനസ് മേഖലകളുടെ കുതിപ്പില്‍ റെക്കോര്‍ഡ് നേട്ടവുമായി ദുബൈ വിമാനത്താവളം. കഴിഞ്ഞ ആറുമാസത്തിനിടെ ഏറ്റവും കൂടുതല്‍ യാത്രക്കാര്‍ കടന്നു പോയ ദുബൈ വിമാനത്താവളം ലോകത്തിലെ ഏറ്റവും തിരിക്കേറിയ വിമാനത്താവളം എന്ന നേട്ടത്തിലേക്കാണ് കാലെടുത്തു വച്ചത്. 4.49 കോടി യാത്രക്കാരാണ് ജൂണ്‍ മാസം വരെ ഇതുവഴി കടന്നു പോയത്. കഴിഞ്ഞ വര്‍ഷമൊടുവില്‍ ലോകത്തെ രണ്ടാമത്തെ തിരക്കേറിയ വിമാനത്താവളമായ ദുബൈ, ഇത്തവണ അര്‍ധവാര്‍ഷിക കണക്കുകള്‍ പ്രകാരം ഒന്നാം സ്ഥാനത്തേക്കെത്തി.

ടൂറിസം, ബിസിനസ് പ്രത്യേകിച്ച് റിയല്‍ എസ്റ്റേറ്റ് രംഗങ്ങളിലുണ്ടായ മുന്നേറ്റങ്ങളാണ് ഇത്രയേറെ വിദേശ യാത്രക്കാരെ ദുബൈയിലെത്തിച്ചതെന്ന് വിലയിരുത്തപ്പെടുന്നു. ആഗോള വ്യോമഗതാഗത കേന്ദ്രമെന്ന നിലയില്‍ ദുബൈയുടെ പ്രാധാന്യം വര്‍ധിക്കുന്നതിന് തെളിവാണ് ഈ നേട്ടമെന്ന് ദുബൈ എയര്‍പോര്‍ട്ട് സി.ഇ.ഒ പോള്‍ ഗ്രിഫിത്സ് വ്യക്തമാക്കുന്നു. ട്രാന്‍സിറ്റ് യാത്രക്കാര്‍ മാത്രമല്ല ദിവസങ്ങളോളം ദുബൈയില്‍ താമസിക്കാനെത്തുന്ന യാത്രക്കാരുടെ എണ്ണത്തിലും ഇത്തവണ വന്‍വര്‍ധനവുണ്ടായെന്ന് അദ്ദേഹം പറഞ്ഞു.

കൊവിഡ് മഹാമാരിയെ തുടര്‍ന്നുണ്ടായ മാന്ദ്യം അതിവേഗം മറികടക്കാന്‍ ദുബൈ വിമാനത്താവളത്തിന് സാധിച്ചു. 2018 ല്‍ 8.9 കോടി യാത്രക്കാരാണ് ദുബൈ വിമാനത്താവളത്തിലെത്തിയത്. എന്നാല്‍ കോവിഡ് മാന്ദ്യത്തെ തുടര്‍ന്ന് 2022 ല്‍ യാത്രക്കാരുടെ എണ്ണം 6.6 കോടിയായി കുറഞ്ഞു. കൊവിഡാനന്തരം കഴിഞ്ഞ വര്‍ഷം 8.6 കോടി യാത്രക്കാരുമായി ലോകത്തിലെ രണ്ടാമത്തെ തിരക്കേറിയ വിമാനത്താവളമായി മാറാന്‍ ദുബൈ വിമാനത്താവളത്തിനു സാധിച്ചു. ഈ വര്‍ഷം 9.1 കോടി യാത്രക്കാരെത്തുമെന്നാണ് വിമാനത്താവളം പ്രതീക്ഷിക്കുന്നത്.

"Dubai Airport has surpassed all others to become the world's busiest, serving a record 44.9 million passengers in just six months. Find out more about this impressive milestone and what it means for air travel."

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക: