മഞ്ചേരി: ഈ വര്‍ഷത്തെ മികച്ച പ്രവര്‍ത്തനത്തിനുള്ള ഹൗസിങ് ഫെഡറേഷന്‍ അവാര്‍ഡ് മഞ്ചേരി ഹൗസിങ് കോപ്പറേറ്റീവ് സൊസൈറ്റിക്ക്. 40 വര്‍ഷമായി ഭവനനിര്‍മാണ രംഗത്ത് പ്രവര്‍ത്തിച്ചുവരുന്ന സംഘത്തിനു ആറാം തവണയാണ് അവാര്‍ഡ് ലഭിക്കുന്നത്.
വായ്പ വിതരണം, വായ്പതിരിച്ചടവ് എന്നിവ അടിസ്ഥാനമാക്കി ജില്ലയില്‍ മികച്ച പ്രവര്‍ത്തനം കാഴ്ച വച്ചതിനാണ് അവാര്‍ഡ്. വീട് നിര്‍മാണത്തിനു 10ലക്ഷം വരെയും റിപ്പയര്‍ പ്രവൃത്തികള്‍ക്ക് അഞ്ച് ലക്ഷം വരെയും ഇന്‍ഷൂറന്‍സ് ആനുകൂല്യത്തോടൊപ്പം സംഘത്തില്‍ നിന്നും നിക്ഷേപങ്ങള്‍ സ്വീകരിക്കുന്നുണ്ട്.
രണ്ട് കോളനികള്‍ മഞ്ചേരിയില്‍ ഇത്തരത്തില്‍  സംഘം നിര്‍മിച്ചിട്ടുണ്ട്. മറ്റു സ്ഥാപനങ്ങള്‍ നല്‍കുന്ന ലോണിനേക്കാളും വ്യവസ്ഥാപിതമായിട്ടാണ് സംഘം വീടു നിര്‍മാണ പ്രവര്‍ത്തികള്‍ക്കായി സഹായിക്കുന്നത്.