ദുബൈ : ദുബൈ എസ് കെ എസ് എസ് എഫ് കാസറഗോഡ് ജില്ലാ, എം.ഐ.സി ദുബൈ, ഇമാദ് യു.എ.ഇ കമ്മിറ്റികൾ സംയുക്തമായി സംഘടിപ്പിക്കുന്ന മീലാദ് ഫെസ്റ്റും മർഹൂം സി എം ഉസ്താദ്‌ അനുസ്മരണവും സെപ്റ്റംബർ 8 ഞായറാഴ്ച ഉച്ചക്ക് 3:00 മണി മുതൽ ദുബൈ ലാൻഡ് മാർക്ക്‌ ഹോട്ടൽ ഓഡിറ്റോറിയത്തിൽ വെച്ച് നടക്കുമെന്ന് ഭാരവാഹികൾ അറിയിച്ചു.

റബീഅ് അൽ ഹബീബ് എന്ന പേരിൽ നടത്തുന്ന മീലാദ് ഫെസ്റ്റിൽ ജൂനിയർ, സബ് ജൂനിയർ, ജനറൽ വിഭാഗ ങ്ങളിലായി വിവിധ മത്സരങ്ങൾ,മദ്ഹുറസൂൽ പ്രഭാഷണം, മൗലീദ് സദസ്സ് തുടങ്ങിയവയും തുടർന്ന് സി എം ഉസ്താദ്‌ അനുസ്മരണവും ഉണ്ടായിരിക്കുന്നതാണ്.

സംഗമ വിജയത്തിന് വേണ്ടി വിപുലമായമായ സ്വാഗത സംഘം രൂപീകരിച്ചു. പരിപാടിയുടെ പ്രചാരണ പോസ്റ്റർ സ്വാഗത സംഘം ചെയർമാനും എം ഐ സി ദുബൈ ചാപ്റ്റർ പ്രസിഡന്റുമായ സലാം ഹാജി വെൽഫിറ്റ്, ഇമാദ് യു എ ഇ ഘടകം പ്രസിഡന്റ് മുജ്തബ ഹുദവിക്ക് നൽകി 
പ്രകാശനം ചെയ്തു.