ചണ്ഡീ​ഗഢ്: ആം ആദ്മി പാർട്ടി (എ.എ.പി) നേതാവിനെ വെടിവെച്ച് കൊലപ്പെടുത്തി. കർഷക സംഘടനയുടെ നേതാവ് തർലോചൻ സിങ് (56) ആ‌ണ് മരിച്ചത്. ആരാണ് വെടിവെച്ചതെന്ന് തിരിച്ചറിഞ്ഞിട്ടില്ല. പഞ്ചാബിലെ ലുധിയാന ജില്ലയിലെ ഖന്നയിൽ തിങ്കളാഴ്ച വൈകുന്നേരമാണ് സംഭവം. 

ഖന്നയിലെ എ.എ.പിയുടെ കർഷക വിഭാഗത്തിൻ്റെ പ്രസിഡൻ്റായിരുന്നു ഇകോലഹ സ്വദേശിയായ സിങ്. അജ്ഞാതരുടെ വെടിയേറ്റ നിലയിൽ റോഡരികിൽ മകനാണ് കണ്ടെത്തിയത്. പിന്നീട് പ്രദേശവാസികളുടെ സഹായത്താൽ ആശുപത്രിയിൽ എത്തിച്ചെങ്കിലും ഡോക്ടർമാർ മരണം സ്ഥിരീകരിക്കുകയായിരുന്നു. മുൻവൈരാഗ്യമാണ് പിതാവിന്റെ കൊലപാതകത്തിന് പിന്നിലെന്ന് മകൻ ഹർപ്രീത് സിങ് ആരോപിച്ചു.

അതേസമയം, സംഭവത്തിൽ അന്വേഷണം ആരംഭിച്ചിട്ടുണ്ട്. കൊലപാതകത്തിന്റെ എല്ലാ വശങ്ങളും പരിശോധിക്കുന്നുണ്ടെന്നും അന്വേഷണം പുരോ​ഗമിക്കുകയാണെന്നും എസ്.പി സൗരവ് ജിൻഡാൽ വ്യക്തമാക്കി.

Aam Aadmi Party (AAP) leader and farmer union leader, Tarlochan Singh (56), was shot dead. The incident took place on Monday evening in Khanna, Ludhiana district, Punjab. The identity of the shooter is yet to be determined.