മാനില:ഫിലിപ്പീൻസിലെ വിവാദ സുവിശേഷ പ്രഭാഷകനും "കിംഗ്‌ഡം ഓഫ് ജീസസ് ക്രൈസ്റ്റ്" പ്രസ്ഥാനത്തിന്റെ സ്ഥാപകനുമായ അപ്പോളോ ക്വിബ്‌ളോയിയെ (Apollo Quiboloy) പീഡനവും സാമ്പത്തിക അഴിമതിയും സംബന്ധിച്ച കേസുകളിൽ അറസ്റ്റ് ചെയ്തു.ഒട്ടനവധി രാജ്യങ്ങളിലായി കോടിക്കണക്കിന് അനുയായികളും, 75 ഏക്കറിലായി ഫിലിപ്പീൻസിൽ കെട്ടിപ്പടുത്തത് വൻ സാമ്രാജ്യവും, സേവകരായി നിരവധി പെൺകുട്ടികളും. സ്വയം "ദൈവം തിരഞ്ഞെടുക്കപ്പെട്ട പുത്രൻ" എന്ന് വിശേഷിപ്പിച്ച അപ്പോളോ ക്വിബ്ളോയി ഇപ്പോൾ ജയിലിലാണ്. ഭൂകമ്പത്തെപ്പോലും തടഞ്ഞുനിർത്തിയെന്ന് അവകാശപ്പെട്ട ആത്മീയനേതാവിന് പക്ഷേ, ഫിലിപ്പീൻസ് പൊലിസിന്റെ പിടികൂടുകയായിരുന്നു. ദാവോയിലെ തന്റെ 75 ഏക്കറോളം വരുന്ന സഭാ ആസ്ഥാനം ഫിലിപ്പീൻസ് പൊലിസ് വളഞ്ഞാണ് ഭൂഗർഭ അറയിൽ ഒളിവിൽകഴിഞ്ഞിരുന്ന അപ്പോളോ ക്വിബ്ളോയി  അറസ്റ്റ് ചെയ്തത്. ഒപ്പം കൂട്ടാളികളായ നാലുപേരെയും പൊലിസ് പിടികൂടി.

ഫിലിപ്പീൻസിലെ വൻ ജനപിന്തുണയുള്ള പാസ്റ്ററും ആത്മീയനേതാവുമായ ക്വിബ്‌ളോയിക്കെതിരേ മനുഷ്യക്കടത്ത്, കുട്ടികൾക്കെതിരായ ലൈംഗികചൂഷണം, സാമ്പത്തികത്തട്ടിപ്പ് എന്നിങ്ങനെയുള്ള കുറ്റങ്ങളാണ് ചുമത്തിയിട്ടുള്ളത്. കോടതി അറസ്റ്റിന് ഉത്തരവിട്ടതോടെ തന്റേ കോട്ടാര സമാനമായ  ഭൂഗർഭ അറയിൽ ഒളിവിൽ കഴിഞ്ഞ ക്വിബ്ളോയി പൊലിസ് വളഞ്ഞത്തോടെ രക്ഷയില്ലാതായതോടെ പിടികൊടുക്കുകയായിരുന്നു. അമേരിക്കയിലും ക്വിബ്ളോയിക്കെതിരേ സമാനമായ കുറ്റകൃത്യങ്ങൾ  നിലവിലുണ്ട്. അമേരിക്കയിലെ ഫെഡറൽ ബ്യൂറോ ഓഫ് ഇൻവെസ്റ്റിഗേഷൻ്റെ(എഫ്.ബി.ഐ) 'മോസ്റ്റ് വാണ്ടഡ്' പട്ടികയിലും ക്വിബ്ളോയി ഉൾപ്പെട്ടിരുന്നു.