ഒട്ടാവ: അവിശ്വാസപ്രമേയത്തെ അതിജീവിച്ച് കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡോ. 211 പേര്‍ അവിശ്വാസപ്രമേയത്തെ എതിര്‍ത്തു വോട്ട് ചെയ്തപ്പോള്‍ 120 പേര്‍ അനുകൂലിച്ചതായാണ് റിപ്പോര്‍ട്ട്.
പ്രധാനമന്ത്രിയുടെ നേതൃത്വത്തിലുള്ള ലിബറല്‍ പാര്‍ട്ടിയും ന്യൂ ഡെമോക്രാറ്റിക് പാര്‍ട്ടിയും ഉള്‍പ്പെട്ട സഖ്യം തകര്‍ന്നതിനു പിന്നാലെയാണ് അവിശ്വാസ പ്രമേയത്തിന് പ്രതിപക്ഷം മുന്നിട്ടിറങ്ങിയത്.

രണ്ട് ദിവസം മുമ്പാണ് പ്രതിപക്ഷ നേതാവ് പിയറി പൊലിവ്രെ അവിശ്വാസപ്രമേയം അവതരിപ്പിച്ചത്. കാനഡയില്‍ ട്രൂഡോയുടെ ഭരണകാലത്ത് ഉയര്‍ന്ന ജീവിത ചെലവ്, വര്‍ധിച്ചുവരുന്ന കുറ്റകൃത്യങ്ങളുടെ നിരക്ക്, വീടുകള്‍ നിര്‍മിക്കാനുള്ള പ്രതിസന്ധികള്‍ എന്നിവ ചൂണ്ടിക്കാട്ടിയാണ് പ്രതിപക്ഷം അവിശ്വാസ പ്രമേയം കൊണ്ടുവന്നത്.

Canadian Prime Minister Justin Trudeau survives a no-confidence motion as 211 vote against it, while 120 support. The motion was introduced by opposition leader Pierre Poilievre amid rising living costs and crime rates.