ദുബൈ: യു.എ.ഇയില്‍ നിലവില്‍ നടന്നു വരുന്ന പൊതുമാപ്പ് സേവനം നീട്ടില്ലെന്ന് ദുബൈ എമിഗ്രേഷന്‍ ആമര്‍ കസ്റ്റമര്‍ ഹാവിനസ് വകുപ്പ് മേധാവി ലഫ്. കേണല്‍ സാലിം ബിന്‍ അലി പറഞ്ഞു. 

ഒക്ടോബര്‍ 31 ആണ് പൊതുമാപ്പ് അവസാനിക്കുന്ന തീയതി. ഒരു സെക്കന്റ് പോലും സമയപരിധി നീട്ടില്ലെന്നും അദ്ദേഹം അവീര്‍ പൊതുമാപ്പ് കേന്ദ്രത്തില്‍ 'ഗള്‍ഫ് സുപ്രഭാത'ത്തോട് പറഞ്ഞു.

വന്‍ തിരക്ക് കണക്കിലെടുത്ത് ഇന്നത്തേതുള്‍പ്പെടെയുള്ള പൊതുമാപ്പ് സേവനങ്ങള്‍ (അവീറില്‍ മാത്രം ലഭ്യമാകുന്നതടക്കം) ആമര്‍ സെന്ററുകളില്‍ ലഭിക്കുമെന്നും അദ്ദേഹം വ്യക്തമാക്കി.