തെഹ്‌റാന്‍: ഇറാന്‍ യുദ്ധവിമാനം തകര്‍ന്നുവീണ് രണ്ട് പൈലറ്റുമാര്‍ കൊല്ലപ്പെട്ടു. രാജ്യത്തിന്റെ തെക്കന്‍ ഭാഗത്ത് തെഹ്‌റാന് 770 കിലോമീറ്റര്‍ അകലെ ഫിറോസാബാദില്‍ ബുധനഴ്ചയാണ് അപകടം.

കേണല്‍ ഹാമിദ് റിസ റന്‍ജ്ബര്‍, കേണല്‍ മനൂഷഹര്‍ പിന്‍സാദിഹ് എന്നിവരാണ് മരിച്ചതെന്ന് ദേശീയ ടെലിവിഷന്‍ റിപ്പോര്‍ട്ട് ചെയ്യുന്നു.  അപകട കാരണം വ്യക്തമല്ല. 1979ലെ വിപ്ലവത്തിന് മുമ്പ് വാങ്ങിയ യു.എസ് നിര്‍മിത എഫ് 14 ടോംകാറ്റ് വിമാനമാണ് അപകടത്തില്‍പെട്ടതെന്നാണ് റിപ്പോര്‍ട്ട്.

ദീര്‍ഘകാലത്തെ പാശ്ചാത്യ ഉപരോധം കാരണം വിമാനങ്ങളുടെ സ്‌പെയര്‍ പാര്‍ട്‌സ് ലഭിക്കുന്നില്ല എന്ന പ്രശ്‌നം രാജ്യം രൂക്ഷമായി അനുഭവിക്കുന്നതായി റിപ്പോര്‍ട്ടുകള്‍ പറയുന്നു. 

A tragic crash of an Iranian F-14 Tomcat fighter jet in Firoozabad, southern Iran, killed two pilots, Colonel Hamid Riz Ranjbar and Colonel Manooshahr Pinsadih.