അങ്ങാടിപ്പുറം: കേരളത്തിലെ അനുഷ്ഠാന കലകളില്‍ ഏറ്റവും പ്രാധാന്യമുള്ള കളംപാട്ടിനെ അതിലെ അനുഷ്ഠാനത കൈവിടാതെ ജനഹൃദയങ്ങളില്‍ എത്തിക്കുകയാണു കളംപാട്ടിലെ യുവ കലാകാരന്‍ കടന്നമണ്ണ ശ്രീനിവാസന്‍. സ്‌കൂളുകളിലും മറ്റു വിദ്യാഭ്യാസ സ്ഥാപനങ്ങളിലും ശില്പശാലകള്‍ സംഘടിപ്പിച്ചാണ് വിദ്യാര്‍ഥികളിലൂടെ കളംപാട്ടിനെ തിരിച്ചുകൊണ്ടുവരുന്നത്.  
ജാതി മത വ്യത്യാസം കൂടാതെ എല്ലാവര്‍ക്കും കളമെഴുത്തു കാണാനും അറിയാനും ഈ ശില്പശാലകളിലൂടെ സാധിക്കുന്നുവെന്നു ശ്രീനിവാസന്‍ പറഞ്ഞു.
ഇതിനകം മലപ്പുറം ജില്ലയിലെ 11 യു.പി, ഹൈസ്‌കൂളുകളില്‍ ശില്പശാല നടത്തി.