ദുബൈ: രണ്ട് വര്‍ഷത്തിലേറെ നീണ്ട പുനരുദ്ധാരണ പ്രവര്‍ത്തനങ്ങള്‍ക്ക് ശേഷം ലോകത്തിലെ ഏറ്റവും ഉയരം കൂടിയ നിരീക്ഷണ ചക്രമായ ഐന്‍ ദുബൈ വീണ്ടും തുറന്നു. നീണ്ട ഇടവേളക്കു ശേഷം ഐന്‍ ദുബൈ വീണ്ടും തുറന്നപ്പോള്‍ വന്‍ ജനത്തിരക്കാണ് അനുഭവപ്പെട്ടത്.  

ക്രിസ്തുമസ്-പുതുവത്സരാഘോശഷങ്ങളോടനുബന്ധിച്ചാണ് ഐന്‍ ദുബൈ വീണ്ടും തുറന്നത്. സന്ദര്‍ശകരുടെ നീണ്ടനിര സാഹസിക ടൂറിസത്തിന്റെ അനന്തസാധ്യതകള്‍ ഉപയോഗപ്പെടുത്താനുള്ള ജനങ്ങളുടെ താല്‍പ്പര്യത്തെയാണ് പ്രതിഫലിപ്പിക്കുന്നത്. വരും ദിവസങ്ങളില്‍ കൂടുതല്‍ സന്ദര്‍ശകരെ പ്രതീക്ഷിക്കുന്നതായി ഐന്‍ ദുബൈ അധികൃതര്‍ പറഞ്ഞു.

2022 മാര്‍ച്ചിലാണ് അച്ചകുറ്റപ്പണികള്‍ക്കായി ഐന്‍ ദുബൈ അടച്ചത്. 145 ദിര്‍ഹം മുതല്‍ 1,260 ദിര്‍ഹം വരെയാണ് ഐന്‍ ദുബൈയിലെ ടിക്കറ്റ് നിരക്ക്.