ശ്രീനഗര്‍: പ്രതിപക്ഷ സംഖ്യമായ ഇന്ത്യാ മുന്നണി പിരിച്ചുവിടണമെന്ന് ജമ്മുകശ്മീര്‍ മുഖ്യമന്ത്രിയും നാഷണല്‍ കോണ്‍ഫറന്‍സ് നേതാവുമായ ഒമര്‍ അബ്ദുല്ല. 

പ്രതിപക്ഷത്തിന് ഒരുമയോടെ ബിജെപിയെ നേരിടാനാകാത്ത സാഹചര്യത്തിലാണ് ഒമര്‍ അബ്ദുല്ലയുടെ പ്രതികരണം. ഒന്നിച്ചു നില്‍ക്കുന്നില്ലെങ്കില്‍ സംഖ്യം പിരിച്ചുവിടുന്നതാണ് നല്ലതെന്നും അദ്ദേഹം പറഞ്ഞു.

വരുന്ന ഡല്‍ഹി നിയമസഭാ തെരഞ്ഞെടുപ്പില്‍ ആംആദ്മി പാര്‍ട്ടിയും കോണ്‍ഗ്രസും ഒറ്റയ്‌ക്കൊറ്റക്ക് മത്സരിക്കുന്ന സാഹചര്യത്തിലാണ് ഒമര്‍ അബ്ദുല്ലയുടെ പ്രതികരണം. ഒമര്‍ അബ്ദുല്ലയുടെ നാഷണല്‍ കോണ്‍ഫറന്‍സ് ഇന്ത്യാ സഖ്യത്തിന്റെ ഭാഗമാണ്.

2024ലെ ലോക്‌സഭ തെരഞ്ഞെടുപ്പിനു ശേഷം നടന്ന നിയമസഭാ തെരഞ്ഞെടുപ്പുകളില്‍ സഖ്യത്തിലെ മറ്റു പാര്‍ട്ടികളുമായി സീറ്റു വിഭജനത്തില്‍ കോണ്‍ഗ്രസ് തുടര്‍ന്ന കടുംപിടുത്തത്തില്‍ ഒമര്‍ അബ്ദുല്ലക്ക് മുറുമുറുപ്പുണ്ടെന്നാണ് പുറത്തുവരുന്ന വിവരങ്ങള്‍.

ഇന്ത്യാ സഖ്യത്തിന്റെ യോഗങ്ങള്‍ ഒന്നും നടക്കാത്തത് നിര്‍ഭാഗ്യകരമാണ്. ആരു നയിക്കും? എന്താണ് അജണ്ട? സഖ്യത്തെ എങ്ങനെ മുന്നോട്ട് കൊണ്ടു പോകും? എന്ന കാര്യങ്ങളിലൊന്നും ചര്‍ച്ച നടക്കുന്നില്ല. സഖ്യത്തിലെ പാര്‍ട്ടികള്‍ ഒരുമിച്ച് നില്‍ക്കുന്നുണ്ടോയെന്നതിലും വ്യക്തതയില്ലെന്നും ജമ്മുകശ്മീര്‍ മുഖ്യമന്ത്രി പറഞ്ഞു.