ദുബൈ: മലിനീകരണ സാധ്യത മുന്‍നിര്‍ത്തി യുഎഇയിലെ സൂപ്പര്‍മാര്‍ക്കറ്റുകളില്‍ നിന്നും സംസ്‌കരിച്ച പെപ്പറോണി ബീഫ് പിന്‍വലിച്ചേക്കും. ലിസ്റ്റീരിയ മോണോസൈറ്റോജെന്‍സ് ബാക്ടീരിയകളുമായുള്ള മലിനീകരണ സാധ്യതയെക്കുറിച്ചുള്ള അന്വേഷണത്തിന്റെ പഠന റിപ്പോര്‍ട്ട് പുറത്തുവന്നതിനെ തുടര്‍ന്നാണ് സൂപ്പര്‍മാര്‍ക്കറ്റുകളില്‍ നിന്ന് സംസ്‌കരിച്ച പെപ്പറോണി ബീഫ് പിന്‍വലിക്കാന്‍ യുഎഇ ഉത്തരവിട്ടത്. കാലാവസ്ഥാ വ്യതിയാന പരിസ്ഥിതി മന്ത്രാലയം (MoCCE) ഇക്കാര്യം സ്ഥിരീകരിച്ചു.

ദുബൈയിലെ യാര്‍ഡ് തൊഴിലാളി ഡുകാബിലെ മാര്‍ക്കറ്റിംഗ് ഓഫീസറായ കഥ

പ്രാദേശിക നിയന്ത്രണ അതോറിറ്റികളുമായും സഊദി ഫുഡ് ആന്‍ഡ് ഡ്രഗ് അതോറിറ്റിയുമായും MoCCE ചേര്‍ന്നു പ്രവര്‍ത്തിക്കുന്നു. പെപ്പറോണി ബിഫ് ഉല്‍പ്പാദിപ്പിക്കുന്ന കമ്പനിയെ തിരിച്ചറിഞ്ഞിട്ടില്ല. എന്നാല്‍ ലബോറട്ടറി പരിശോധനകള്‍ പൂര്‍ത്തിയാകുകയും സംഭവത്തിന്റെ വിശദാംശങ്ങള്‍ സ്ഥിരീകരിക്കുകയും ചെയ്യുന്നതുവരെ യുഎഇയിലെ വിപണികളില്‍ നിന്ന് ഈ ഉല്‍പ്പന്നം മുന്‍കരുതലായി പിന്‍വലിക്കാനുള്ള ശ്രമങ്ങള്‍ നടന്നുകൊണ്ടിരിക്കുകയാണ്.

ഭക്ഷണം സംസ്‌കരിക്കുമ്പോഴോ തയ്യാറാക്കുമ്പോഴോ പാക്ക് ചെയ്യുമ്പോഴോ പകരുന്ന ബാക്ടീരിയ, ലിസ്റ്റീരിയ അണുബാധയ്ക്ക് കാരണമാകുന്നു. ഗര്‍ഭിണികളായ സ്ത്രീകള്‍, 65 വയസ്സിനു മുകളിലുള്ളവര്‍, ദുര്‍ബലമായ പ്രതിരോധശേഷി ഉള്ള ആളുകള്‍ എന്നിവരെ വളരെ ഗുരുതരമായി ബാധിച്ചേക്കാവുന്ന ഒരു ഭക്ഷ്യ ബാക്ടീരിയ രോഗമാണിത്.

GCC രാജ്യങ്ങളില്‍ ഉടനീളം ആരോഗ്യത്തിന് ഭീഷണിയായ ഭക്ഷ്യ ഉല്‍പന്നങ്ങളെ കുറിച്ചുള്ള വിവരങ്ങള്‍ ഉടനടി കൈമാറുന്നതിന് ഗള്‍ഫ് റാപ്പിഡ് അലേര്‍ട്ട് സിസ്റ്റം ഫോര്‍ ഫുഡ് (GRASF) നിലവിലുണ്ടെന്ന് MoCCAE ഉറപ്പുനല്‍കി. അപകടസാധ്യതയുള്ള ഭക്ഷണങ്ങളെ കുറിച്ച് മുന്നറിയിപ്പുകള്‍ നല്‍കാനും അതുപോലെ മലിനമായതും തെറ്റായി ലേബല്‍ ചെയ്തതുമായ ഭക്ഷണത്തിനു നിരോധനം ഏര്‍പ്പെടുത്താനും ഈ സംവിധാനം സഹായിക്കുന്നു. 

ഡേവാ ഗ്രീന്‍ കാര്‍ഡ് ഉപയോഗിച്ച് ദുബൈയില്‍ ഇനിമുതല്‍ ഇവി ചാര്‍ജിംഗ് എങ്ങനെ ലളിതമാക്കാം...DEWA CARD

പ്രാദേശികമായി ഉല്‍പ്പാദിപ്പിക്കുന്നതോ ഇറക്കുമതി ചെയ്യുന്നതോ ആയ എല്ലാ ഭക്ഷ്യ ഉല്‍പന്നങ്ങള്‍ക്കും ഏറ്റവും ഉയര്‍ന്ന ഭക്ഷ്യ സുരക്ഷാ മാനദണ്ഡങ്ങള്‍ ബാധകമാക്കുന്നതിന് ബന്ധപ്പെട്ട വിവിധ അധികാരികളുമായി മന്ത്രാലയം പ്രവര്‍ത്തിക്കുന്നുണ്ടെന്ന് ഭക്ഷ്യ വൈവിധ്യത്തിനായുള്ള MOCCAE അസിസ്റ്റന്റ് അണ്ടര്‍സെക്രട്ടറി ഡോ. മുഹമ്മദ് സല്‍മാന്‍ അല്‍ ഹമാദി ഉറപ്പുനല്‍കി.

'ഉപഭോഗത്തിന്റെ സുരക്ഷിതത്വം എത്രയും വേഗം ഉറപ്പാക്കാനായി  പെപ്പറോണി ബീഫിനെക്കുറിച്ചുള്ള അന്വേഷണം മന്ത്രാലയം ഊര്‍ജിതമാക്കുകയാണ്,' അദ്ദേഹം കൂട്ടിച്ചേര്‍ത്തു.