ഡൽഹി: രാജ്യം ഇന്ന് കരസേനാ ദിനം ആചരിക്കും. ഇത്തവണ പുണെയിലാണ് ആഘോഷം. 1949 മുതല്‍ രാജ്യം കരസേനാ ദിനം ആഘോഷിക്കാന്‍ തുടങ്ങിയെങ്കിലും ഡൽഹിക്ക് പുറത്ത് പരിപാടി സംഘടിപ്പിക്കുന്നത് ഇത് മൂന്നാം തവണ മാത്രമാണ്. ആഘോഷത്തിന്‍റെ ഭാഗമായ പരേഡില്‍ കരസേനയുടെ ആറു വിഭാഗങ്ങള്‍ അണിനിരക്കും. കരസേനയുടെ ശക്തി വിളിച്ചോതുന്ന വിവിധ റെജിമെൻ്റുകളുടെ അഭ്യാസ പ്രകടനവും ആഘോഷത്തിന്റെ മറ്റൊരു ആകർഷണമാണ്. നേപ്പാൾ സൈന്യത്തിൻ്റെ ബാൻഡും ചടങ്ങില്‍ പങ്കെടുക്കും. പ്രതിരോധമന്ത്രി രാജ്നാഥ് സിങ്ങാണ് ചടങ്ങിലെ മുഖ്യാതിഥി.

കരസേന ദിനാചരണത്തിന്‍റെ ഭാഗമായി തിരുവനന്തപുരം കനകക്കുന്ന് കൊട്ടാരത്തിൽ ആയുധ പ്രദർശനം സംഘടിപ്പിച്ചു. നിങ്ങളുടെ സൈന്യത്തെ അറിയുക പദ്ധതിയുടെ ഭാഗമായി പാങ്ങോട് സൈനിക കേന്ദ്രമായിരുന്നു പ്രദർശനം സംഘടിപ്പിച്ചത്. യുദ്ധ സാമഗ്രികളുടെ പ്രദർശനം കൂടാതെ, ഇന്ത്യൻ ആർമിയുടെ പൈപ്പ് ബാൻഡിൻ്റെ പ്രകടനവും പ്ര‍ദർശനത്തിന്‍റെ ഭാഗമായിരുന്നു. ഇന്ത്യൻ സൈന്യത്തെ കുറിച്ച് പൗരന്മാരെ ബോധവൽക്കരിക്കുക എന്ന ലക്ഷ്യത്തോടെ പാങ്ങോട് സൈനിക കേന്ദ്ര മേധാവി ബ്രിഗേഡിയർ അനുരാഗ് ഉപാധ്യായയുടെ നേതൃത്വത്തിലായിരുന്നു പ്രദർശനം. കുട്ടികളും മുതിർന്നവരും അടക്കം നിരവധി പേർ പ്രദർശനം കാണാൻ എത്തി.

India is observing Army Day today, with Defence Minister Rajnath Singh as the chief guest at the ceremony, honouring the bravery and sacrifices of the Indian Army.