മലയാള സർവകലാശാല കോളേജ് ഹോസ്റ്റലിൽ ഭക്ഷ്യവിഷബാധയെ തുടർന്ന് അനിശ്ചിതകാലത്തേക്ക് സർവകലാശാല അടച്ചു.കഴിഞ്ഞ ദിവസം മലയാള സർവകലാശാല വനിതാ കോളേജ് ഹോസ്റ്റലിലെ വിദ്യാർത്ഥികൾക്കാണ്  ഭക്ഷ്യവിഷബാധ നേരിട്ടത്. തുടർന്ന് വിദ്യാർത്ഥികൾ ചികിത്സ തേടുകയും ചെയ്തിരുന്നു. അതിനെ തുടർന്ന് കോളേജ് യൂണിയൻ നൽകിയ പരാതിയിന്മേലാണ് ഇപ്പോൾ സർവകലാശാല അധികൃതർ നടപടിയെടുത്തത്.

ഭക്ഷ്യസുരക്ഷാവകുപ്പിൽ നിന്നും ലഭിച്ച പരിശോധനാ റിപ്പോർട്ട് പ്രകാരം ഫുഡ് സേഫ്റ്റി ലൈസൻസ് ലഭ്യമാക്കാനും മറ്റ് നിർദ്ദേശങ്ങൾ നടപ്പിലാക്കാനുമായി സർവകലാശാലയിലെ എല്ലാ ഹോസ്റ്റലുകളും ഇന്ന് ഉച്ചയ്ക്ക് (20.01.2025) 3 മണി മുതൽ ഇനി ഒരു അറിയിപ്പ് ഉണ്ടാകുന്നത് വരെ അടച്ചിടാൻ തീരുമാനിക്കുകയും. ഈ കാലയളവിൽ ബിരുദ/ ബിരുദാനന്തരബിരുദ/ ഗവേഷണ വിദ്യാർത്ഥികൾക്ക് ക്ലാസുകൾ ഉണ്ടായിരിക്കുന്നതല്ലെന്നും സർവകലാശാല സർക്കുലറിലൂടെ അറിയിച്ചു.