വരും വർഷങ്ങളിലും പശ്ചിമേഷ്യന്‍ രാഷ്ട്രങ്ങളില്‍ ഏറ്റവും മികച്ച സാമ്പത്തിക മുന്നേറ്റം നടത്തുന്ന രാജ്യമായി യുഎഇ തങ്ങളുടെ സ്ഥാനം നിലനിർത്തും. ലോകബാങ്കിന്റെ ഏറ്റവും പുതിയ റിപ്പോർട്ടുകൾ അനുസരിച്ച് 2025ലും 2026ലും യുഎഇ സമ്പദ്‌വ്യവസ്ഥ നാല് ശതമാനമെന്ന ശക്തമായ വളർച്ച കൈവരിച്ചേക്കും. 2024 ജൂണിലെ ലോകബാങ്കിൻ്റെ പ്രവചനത്തേക്കാൾ 0.1 ശതമാനം കുറവാണെങ്കിലും 2025-ൽ യു എ ഇ 4.0 ശതമാനം വളർച്ച കൈവരിക്കുമെന്നാണ് പ്രതീക്ഷിക്കപ്പെടുന്നത്.

മേഖലയില്‍ മറ്റ് പല രാഷ്ട്രങ്ങളേക്കാളും മികച്ച മുന്നേറ്റമാകും യുഎഇയുടേതെന്ന് റിപ്പോർട്ട് വ്യക്തമാക്കുന്നു. മറ്റ് ഗള്‍ഫ് രാഷ്ട്രങ്ങളിലെ സാമ്പത്തിക വളർച്ച സഊദി അറേബ്യ (3.4 ശതമാനം), ബഹ്‌റൈൻ (3.3 ശതമാനം), ഖത്തർ (2.7 ശതമാനം), ഒമാൻ (2.4 ശതമാനം), കുവൈത്ത് (1.7 ശതമാനം) എന്നിങ്ങനെയായിരിക്കും. നാല് ശതമാമനം മുന്നേറ്റവുമായി എമിറേറ്റ്‌സിൻ്റെ സമ്പദ്‌വ്യവസ്ഥ 2025-ൽ ഗൾഫ് മേഖലയിലെ അതിവേഗം വളരുന്ന സമ്പദ്‌വ്യവസ്ഥയെന്ന സ്ഥാനം നിലനിർത്തും.

കഴിഞ്ഞ വർഷത്തെ 3.3 ശതമാനത്തേക്കാൾ കൂടുതലാണ് 2025 ലെ യുഎഇയുടെ വളർച്ചാ പ്രവചനം എന്നതും ശ്രദ്ധേയമാണ്. ലോകബാങ്ക് 2026-ലെ യുഎഇയുടെ അടുത്ത വർഷത്തെ വളർച്ചാ പ്രവചനം 0.1 ശതമാനം മുതൽ 4.1 ശതമാനം വരെ വർധിപ്പിച്ചിട്ടുണ്ട്. ഇക്കാലയളവില്‍ ഖത്തറിനും (5.5 ശതമാനം), സഊദി അറേബ്യയ്ക്കും (5.4 ശതമാനം) ശേഷം ജിസിസിയിൽ അതിവേഗം വളരുന്ന മൂന്നാമത്തെ സമ്പദ്‌വ്യവസ്ഥയായിരിക്കും യുഎഇയുടേത്. ഖത്തറും സഊദി അറേബ്യയും 2026 ല്‍ മേഖലയില്‍ വലിയ രീതിയിലുള്ള മുന്നേറ്റം കാഴ്ചവെക്കും. എന്നാൽ, 2025 ലെ ജിസിസി വളർച്ചാ പ്രവചനം 1.4 ശതമാനത്തിൽ നിന്ന് 3.3 ശതമാനമായി ലോകബാങ്ക് കുറച്ചു. അടുത്ത വർഷത്തെ പ്രൊജക്ഷൻ 1.1 ശതമാനം വർധിച്ച് 4.6 ശതമാനമായി ഉയർത്തുകയും ചെയ്തു. 2024-ൽ ജിസിസിയിലെ വളർച്ച 1.6 ശതമാനമായി ഉയർന്നതായാണ് കണക്കാക്കപ്പെടുന്നത്. പിന്തുണയുള്ള ശക്തമായ എണ്ണയിതര പ്രവർത്തനവും മൂലധന വരവ് വീണ്ടെടുക്കലുമാണ് ഇതിന്റെ പ്രധാന കാരണങ്ങൾ.

2025 ൽ മിഡിൽ ഈസ്റ്റിലെയും വടക്കേ ആഫ്രിക്കയിലെയും വളർച്ച 3.4 ശതമാനമായും 2026 ൽ 4.1 ശതമാനമായും വർധിക്കുമെന്ന പ്രതീക്ഷയാണ് റിപ്പോർട്ട് മുന്നോട്ട് വെക്കുന്നത്. എണ്ണ ഉല്‍പാദനത്തില്‍ സ്വമേധയാ വരുത്തുന്ന ഇടിവാണ് ഈ വർഷം ഗള്‍ഫ് മേഖലയിലെ നേരിയതെങ്കിലുമായ സാമ്പത്തിക വളർച്ചാ ഇടിവിന് കാരണം.

Discover how the UAE's economic growth is expected to reach its peak by 2026, with Qatar and Saudi Arabia poised to surpass it. For more insights, try searching online for the latest economic forecasts.