കറാച്ചി: ഐസിസി ചാമ്പ്യൻസ് ട്രോഫിയിൽ അഫ്ഗാനിസ്ഥാനെതിരെ സെഞ്ച്വറി നേടി സൗത്ത് ആഫ്രിക്കൻ വിക്കറ്റ് കീപ്പർ റയാൻ റിക്കൽട്ടൺ. ടൂർണമെന്റിലെ മൂന്നാം മത്സരം ആയപ്പോൾ തന്നെ അഞ്ചു താരങ്ങളാണ് ഇതുവരെ സെഞ്ച്വറി നേടിയിട്ടുള്ളത്. മത്സരത്തിൽ 106 പന്തിൽ 103 റൺസ് നേടിയാണ് റിക്കൽട്ടൺ തിളങ്ങിയത്. ഏഴ് ഫോറുകളും ഒരു സിക്‌സും അടങ്ങുന്നതായിരുന്നു താരത്തിന്റെ ഇന്നിംഗ്സ്. ഇതോടെ ഐസിസി ചാമ്പ്യൻസ് ട്രോഫിയിൽ സൗത്ത് ആഫ്രിക്കക്ക് വേണ്ടി സെഞ്ച്വറി നേടുന്ന ആദ്യ വിക്കറ്റ് കീപ്പറായി മാറാനും റിക്കൽട്ടണിന് സാധിച്ചു. ഇതിനു പുറമെ ചാമ്പ്യൻസ് ട്രോഫിയിൽ സെഞ്ച്വറി നേടുന്ന നാലാമത്തെ വിക്കറ്റ് കീപ്പറായി മാറാനും റിക്കൽട്ടണിന് സാധിച്ചു. 

ആൻഡി ഫ്ലവർ, കുമാർ സംഗക്കാര, ടോം ലാഥം എന്നിവരാണ് ഇതിനു മുമ്പ് ഈ ടൂർണമെന്റിൽ സെഞ്ച്വറി നേടിയ വിക്കറ്റ് കീപ്പർമാർ. ഈ ടൂർണമെന്റിലെ ആദ്യ മത്സരത്തിൽ പാകിസ്താനെതിരെയായിരുന്നു കിവീസ് താരം ലാഥം സെഞ്ച്വറി നേടിയിരുന്നത്. പുറത്താവാതെ 118 റൺസാണ് താരം അടിച്ചെടുത്തത്. സംഗക്കാര 2013ൽ ഇംഗ്ലണ്ടിനെതിരെ പുറത്താവാതെ 134 റൻസിയും നേടി. ആൻഡി ഫ്ലാവർ 2002ൽ ഇന്ത്യക്കെതിരെയും സെഞ്ച്വറി നേടി. 145 റൺസാണ് താരം നേടിയിരുന്നത്.  

അഫ്ഗാനിസ്ഥാൻ പ്ലെയിങ് ഇലവൻ

റഹ്മാനുള്ള ഗുർബാസ് (വിക്കറ്റ് കീപ്പർ), ഇബ്രാഹിം സദ്രാൻ, സെദിഖുള്ള അടൽ, റഹ്മത്ത് ഷാ, ഹഷ്മത്തുള്ള ഷാഹിദി (ക്യാപ്റ്റൻ), അസ്മത്തുള്ള ഒമർസായി, ഗുൽബാദിൻ നായിബ്, മുഹമ്മദ് നബി, റാഷിദ് ഖാൻ, ഫസൽഹഖ് ഫാറൂഖി, നൂർ അഹമ്മദ്.

സൗത്ത് ആഫ്രിക്ക പ്ലെയിങ് ഇലവൻ

റയാൻ റിക്കൽടൺ(വിക്കറ്റ് കീപ്പർ), ടോണി ഡി സോർസി, ടെംബ ബാവുമ(ക്യാപ്റ്റൻ), റാസി വാൻ ഡെർ ഡ്യൂസെൻ, ഐഡൻ മർക്രം, ഡേവിഡ് മില്ലർ, വിയാൻ മൾഡർ, മാർക്കോ ജാൻസെൻ, കേശവ് മഹാരാജ്, കാഗിസോ റബാഡ, ലുങ്കി എൻഗിഡി.